Cf. Et., liv, 11^ ch. 16 {ci-après, t. II, p

que cil faisoit encontre celui , par loial jugement que nos avons fait et par droit. »

Et se aucune des parties se sant agrevée par jugement que l'en lor ait fait à tort et grief qui soit aperz, il en doit tantost apeler sanz demeure au chief seignor, ou en la cort le roi où l'en fait les loiaus jugemenz ; et doit dire présentement : « cist jugemenz n'est ne bons, ne loiaus, einçois est faux et mauvais ; si en apel au souverain, et bien vueil savoir qui a fait tel jugement , — et doit nomer la cort où il apele, c'est à savoir le par desus , — et le proverai par devant le souverain por tel come je di. »

Et se li jugemenz a esté donnez en cort de prévost ou de bailli ou de roi, il doit demander amandement de jugement en souploiant : que l'en doit souploier au roi, que il lou jugement voie ou face veoir ; et se il est contre droit qu'il le depiece , et s'il n'est contre droit que il le face tenir et entériner par la coustume dou pais ^ .

XV. Se^ aucuns est mauvaisement renomez par cri ou par renomée, la joutise le doit prandre, et si doit anquerre de son fait et de sa vie, et là où il demeure. Et se il treuve par anqueste qu'il soit corpables d'aucun fait ou il ait poine de sanc, il ne le doit pas condampner à mort, quant nus ne l'acuse, ne quant il n'a esté pris en nul presant ne en nule quenoissance ; ne quant il ne s'est mis en enqueste. Mais s'il ne se viaut mètre

1. Peut-être la phrase et li sires en avroit le recort de sa cort, droit faisant qui fait partie du passage supprimé appartie?it-elle à l'Usage d'Orlenois. Il faudrait, dans cette hypothèse, la relier à quelques phrases disparues [voyez ci-après t. Il, p. 386).