Cf. Et., liv. II, ch. 21 {ci-après, t. II, p

USAGE D^ORLENOIS. 509

de baronnic. Et se la jornée passoit que il ne s'an meist en plait, li dofauz li porroit bien porter grant domache. Et s'il estoit d'autre joutise, il devroit dire ce que je ai dit desus. Et doit faire retenue. Et doit dire en tele manière : « se mes sires n'avoit tele joutise en celi leu, je l'offre à deffandre ou ci ou là où droiz me menra, si come je devrai et là où je devrai. » Et doit nomer son seignor, et doit avoir por lui qui le requerra en la cort, droit faisant, si come nos avons dit desus. Et einsine se porroit il passer dou défaut, jusqu'à tant qu'il soit queneùz de la joutise et que ses sires le requière ; car s'il faisoit fause avoerie, ele li porroit bien porter domache, s'il n'avoit faite tele retenue come j'ai dit desus, ou se ses sires n'avoit tele joutise en sa terre.

XX. Mes^ sires li rois est en saisine et en possession generaument de prandre et de tenir por sa dete queneiie et provée cors et avoirs et héritages, selonc l'usage de la cort laie ; ne l'en ne met home en prison por dete, se n'est por la soe. Mais il doit faire la loi dou pais qu'il paiera au plus tost qu'il porra, et jurer sor sainz qu'il n'avra de coi paier ne en tout ne en partie, et au plus tost qu'il venra à plus grant fortune qu'il paiera; et doit jurer qu'il vaudra dedanz xl jorz son héritage, se il l'a ; et se il ne le faisoit, li deteres le vandroit, et li feroit otroier la vante selonc l'usage de la cort laie.

XXI. Quant 2 mes sires li rois mande à aucun baiUi qu'il face droit à aucun plaintif, il mande sor tele forme :