Cf. Et., Uv. II, ch. 26 (ci-après, t. II, p

USAGE d'ORLENOIS. 511

retour. Ne père ne mère ne puet faire en sa veveté l'une partie meillor de l'autre, se ce n'est de l'asantement des enfanz, qui soit pas estable selonc l'usage d'Orlenois.

Et^ li premier ont les héritages et li darrenier les muebles, et par coustume gênerai.

XXV. Se^ aucuns est semons de la semonse au prevost, et il ne viengne au jor, li prevoz en a Y s. por la defaute ; et s'il viaut jurer qu'il ne sot ne n'oï l'ajornement, il s'en passera quites. Et de la bannie ensinc. Et s'il esceut son gaje au sergent, il paiera lx s. de l'esqueusse, s'il en est provez. Et s'il viaut jurer et arramir qu'il ne feïst l'esqueusse, il s'en passera quites envers les sergenz, selonc l'usage d'Orlenois. Mais s'il en est provez par tesmoinz, il paiera l'amande.

XXVI. Se^ aucuns se plaint en la cort le roi de son seignor de dete que ses sires li doie, ou de promesse qu'il li ait faite, li sires n'avra mie la cort. Mes s'il se pleignoit de son seignor de fié, ou d'eritage ou d'autre chose qui delist estre tenue de son seignor, il en avroit la cort, et l'obéissance, droit faisant.