Cf. Et., liv. II, ch. 29 {ci-après t. II, p

aucun plaintif, et, puis l'aseûrement, ait trive anfrainte, ou l'aseûrement brisié, et il en soit semons par devant la gent le roi, il en respondra par devant aus, tout soit il couchanz et levanz en autre seignorie, tout ait li sires tele haute joutise en sa terre. Et covendra qu'il remaigne illuec, por joutisier por la raison de l'aseûrement fait en la cort le roi, et par sa gent, selonc l'usage de baronie, tout ne soit il pas pris en presant fait ; car li rois est souverains : si doit estre sa corz souveraine.

XXVIII. Se^ aucuns gentis hom assené à son fié por defaute d'ome ou de rachat ou de roncin de servise, ou por autre chose, en usant de son droit ; et cil qui est li domaines avoue bien la chose à tenir de lui, li sires li rendra la soe chose ou recréera, et le manra par droit, et li assignera souffisant jor, dedanz les nuiz ou dehors les nuiz de quinzaine, selonc l'usage d'Orlenois entre les vavassors , et le joutisera , et manra par droit selonc la coutume de la terre. Et se il se desavoe à tenir de lui par devant joutise , et il avoe i autre , il ne puet ne ne doit puis assener au fié ; einçois avra cil la saisine qu'il avra avoé ; mais se il a droit ou fié, il le puet bien sigre et doit. Et se il puet mostrer que cil ait faite mauvaise avoerie, et que U fiez doie estre tenuz de lui et qu'il ne fust tenuz onques que de lui et de ses devanciers , cil perdra le demoine, s'il en est atainz. Si en puet l'en bien jugier une bataille, car l'en met bien le fié encontre le demoine.