Cf. Et., liv. Il, ch. 38 {ci-après t. Il, p

armes, en leu où il n'avoit riens à tenir de lui ne en fié, ne en domoine, et en leu où il n'avoit ne prise, ne seignorie , ne vengement, ne joutise [il'^ doit dire en ceste manière : « je me plain de G. qui, à force et à tort, et o armes est venuz à mon fié ou à ma seignorie,] lequel fié et laquele seignorie je tain doù roi nu à nu ensemble o mes autres fiez, dont je sui en la foi et en l'omage le roi et en sui ses hom liges et en aporte ou fai aporter mes muebles, — et les doit nomer ; — don je requier que li leus soit resaisiz entérinement, et mi domache amande, jusqu'à la value de C lb. ; — et doit nomer le leu, en sa plainte, et le jor de la chevauchiée. — Et s'il quenoist qu'il soit venuz einsinques com je ai dit, je vos requier com à souverain que vos le me faites amander. Et s'il le nie, je l'offre à monstrer, si come la corz esgardera que faire le doie. » Et la demande oie en jugement, li deffanderres doit faire encontre la demande présentement tel ni et tel deffanse com il doit, car nus n'a jor de consoil de force, ne de chevauchiée faite o armes, ne de fait de son cors, se dons ou franchise de roi ne li done ou costume de pais esprovée. Et se il est à tort venus, ainsi com j'ai dit, ou leu qui est avoez dou roi, il fera l'amande par la costume dou pais et de la terre. Et sera l'amande de LX lb., se il est bers, ou chevaliers, ou gentis hom. Mais nuns ne garantist selonc l'usage d'Orlenois, se il n'est bers, ou chevaliers, ou s'il ne tient en baronie.