LE RENARD ET LE BOUC (IIL
Du Regnart et du Chevreau.
Le Regnart et le Chevreau, ung jour d'esté Duquel faisoit grand et excesssif chault, estoient altérés et mors de soif, et pour subvenir à leur altération, firent diligence de cerchier aucune rivière ou autre eaue en laquelle il peussent boire. Finablemant trouvèrent ung viel trou ennxaniere depuys assez parfond ouquel ilz descendirent et auquel ilz beurent a leur aise. Apres ce qu'ilz eurent parfaitement estaint leur soif, le chevreau se print a regarder contremont et considérer la manière comment ilz sortiraient du dit puys, ce que le regnart apperceut assez clerement, car sa nature est d'estre toujours cault et subtil. Et tantost dist iceluy Regnart au dict Chevreau : « Mon compaignon, ayez bon courage, ne te soussie point de la manière de sortir d'icy dedans, car j'ay ja trouvé le moyen par lequel nous pourrons sortir et retourner en hault. Et pour ce faire, voycy la manière convenable ; tu te dresseras tout droit et mettras les pieds de devant contre la paroy, puis après besseras la teste et les coriies entre tes jambes, tant que ton menton touchera a ta poitrine, et je monteray sur ton dos en me prenant a tes cornes et me lanseray et tireray hors de ce puys. Ce faict, je te tireray et mettray hors du dit puys. »
Le Chevreau fut simple et ignorant et creut et aquiessa au conseil du dit Regnart, lequel conseil luy sembloit estre bon, sans fraude ne simulation quel-
conque. Et incontinent le dit regnart se jetta sur le chevreau, et sortit hors facilement du ditpuys. Et, ce faict, se print le dict Regnart a danser et saulter sur le bortdu dict puys, de joye qu'il avoit d'estre ainsi eschapé par son astuce et malicieuse callidité, et ne luy souvint ne n'eut aucun seing de tirer ne mettre hors le povre chevreau, lequel estoit demouré en la profundité et obscure tenebrosité du dit puys. Et a ces te cause le dict chevreau accusoit le Regnart de foy mentie et de ce qu'il avoit froissé et rompu sa promesse. Mais ledit regnart n'en tenoit conte, ains luy disoit par manière de moquerie : a Chevreau, se tu eusses eu autant de sens en ta pensée comme tu as de poil au menton, tu ne fusses pas descendu ou dit puy jusques a ce que tu eusses avisé et espié l0s. moyens, voye et manière par lesquels tu ta peussea tirer et mettre Jiors flu dict puys quant bon t'eust semblé. »
Sem moral. — Ce dessus (Jict Apologue, fable ou facécie, quant au sens moral veult donner a entendre achascijn homme prudent qu'il regarde bien soigneusement quant il se q^ssociera qu accompagnera- avpcqnesi aucun pour quelque chose faire, que celuy avec lequel il se açcompaignera ne le déçoive, en regardant lafindel'entrQprinse et la sortie de la chose avant que le faire ne entreprendre.
(Quill, Tardif, ApoL de Laurent Valla, 147, MarcbassQu.)
