LE GAMP DU DRAP D'OR A ARDRES

chambre, heurte à la porte, Téveille et entre dedans. Et ne feust jamais homme plus esbahi que le roy d'Angleterre, et lui dict : « Mon frère, vous m'avez faict 4 meilleur tour que jamais homme ne fist à aultre, et me « montrez la grande fiance que je dois avoir en vous ; et « de moi, je me rends votre prisonnier dès cette heure, « et vous baille ma foy. » Et deffist de son col ung collier qui valloit quinze mille angelots, et pria au roy de France qu'il le voullust prendre et porter ce jour-là pour l'amour de son prisonnier. Et soudain le roy, qui lui vouUoist faire môme tour, avoit apporté avecques lui un bracelet qui valloit plus' de trente mille angelots, et le pria qu'il le portast pour l'amour de lui, laquelle chose il fist, et le lui mist au bras ; et le roy de France print le sien à son col. Et adonc le roy d'Angleterre voullust se lever, et le roy de France lui dict qu'il n'auroit point d'autre valet de chambre que lui, et lui chauffa sa chemise, et lui bailla quand il feust levé. Le roy de France s'en voullust retourner, nonobstant que le roy d'Angleterre le voullust retenir à dîner avecques lui^; mais pource qu'il falloit jouxter après disner, s'en voullust aller, et monta à cheval, et s'en revint à Ardres. Il rencontra beaucoup de gens de bien qui venoient au devant de lui, et entr'autres l'Adventureux, qui lui dict : « Mon maistre, vous estes un fol d'avoir « faict ce que vous avez faict ; et suis bien aise de vous , « reveoir ici, et donne au diable celui qui vous l'a con- « seillé. » Sur quoi le roy lui fist response et lui dict que jamais homme ne lui avoit conseillé, et qu'il sçavoit bien qu'il n'y avoit personne en son royaume qui lui eust voullu conseiller ; et lors commença à compter ce qu'il avoit faict audict Ghines, et s'en retourna ainsi en parlant jusqu'à Ardres, car il n'y avoit pas loing. Si le roy d'Angleterre estoit bien aise du bon tour que le roy de France lui fist, encore en estoient plus aises tous les

Anglais, car ils n'eussent jamais pensé qu'il se vouUust mettre entre leurs mains, le plus foible, et pource qu'il y avoit eu grosse difficulté pour leur veue, afin qu'ils ne feussent point plus forts Tung que l'aultre. Le roy d'Angleterre, voyant le bon tour que le roy de France lui avoit faict, le lendemain matin, en vint faire autant au roy de France que le roy lui en avoit faict le jour de devant ; et se refirent présents et bonne chère, autant ou plus qu'auparavant.

« Et, cela faict de l'ung à l'aultre, les jouxtes se commencèrent à faire, qui durèrent huict jours et feurent merveilleusement belles, tant à pied comme à cheval ; et estoient six François et six Anglois tenans, et les roys estoient venans. Et menoient les princes et capitaines chascun dix ou douze hommes d'armes avecquc eux, habillés de leurs couleurs, et l'Adventureux en avoit quinze ; et pouvoient estre en tout, tant François qu'Anglois, trois cents hommes d'armes ; et vous asseure que c'estoit belle chose à veoir. Le lieu où se faisoient les jouxtes étoit bien fortifié, et y avoit une barrière du costé du roy de France, et une aultre du costé du jroy d'Angleterre, et quand les rois estoient dedans et toute leur seigneurie, il estoit dict par nombre combien il y en devoit entrer de chascun costé ; et les archers du roi d'Angleterre et les capitaines de ses gardes gardoient du costé du roi de France ; et les capitaines de la garde du roi de France, archers et Suisses, gardoient le costé du roi d'Angleterre : et n'y entroit à chascun coup que ceulx qui debvoient jouxter ; et, quand cette troupe es toit lasse, il y en entroit une autre, et y eut merveilleusement bon ordre de tous costés et sans débat, qui est une grande chose en telle assemblée. Après les jouxtes, les luiteurs de France et d'Angleterre venoient avant, et luitoient devant les rois et devant les dames, qui fust beau passe-temps ; et y avoit de puissants luiteurs ; et.