LE CAMP DU DRAP D'OR A ARDRES

grande tente au lieu où la dicte veue se feroit. Ce faict, regardèrent les dicts princes quels gens ils meneroient avecques eulx et s'accordèrent de mener chascun deux hommes ; et estoit le légat d'Angleterre attendant à la tente où se debvoient veoir, et Robertet (Du Bellay dit que ce fut le chancelier Duprat), du costé du roy de France, qui avoient les papiers de leurs maistres. Et mena le roy de France avecques lui monsieur de Bourbon et monsieur Tadmiral ; et le roy d'Angleterre avoit le duc de Suffolck, qui avoit espousé sa sœur, et le duc de Norfolck. Et estoit ledict camp tout environné de barrières, bien ung jet de boule éloigné de la tente, et avoit chacun quatre cents hommes de leur garde, et les princes des deux costés, et chacun prince ung gen* tilhomme avecques lui, et y étoient trois cents archers du roy de France, et les cent Suisses que l'Adventureux menoit (le jeune Aventureux était le nom de guerre de Fleurange, l'auteur de ce récit) ; et le roy d'Angleterre avoit quatre cents archers. Et allèrent en cette bonne ordonnance jusques aux barrières; et, quand ce vint à l'approche, les dictes gardes demeurèrent aux barrières, et les deux princes passèrent outre, avecques les deux personnages, ainsi que dict est devant, et se vindrent embrasser tout à cheval, et se fisrent merveilleusement bon visage, et broncha le cheval du roy d'Angleterre en embrassant le roy de France ; et chascun avoit son laquais, qui prindrentles chevaulx. Et entrèrent dedans le pavillon tout à pied, et se recommencèrent derechef à embrasser, et faire plus grande chère que jamais; et quand le roy d'Angleterre feust assis, print lui-même les articles et commença à les lire. Et quand il eust leu ceulx du roy de France, qui doit aller le premier, il commença à parler de lui, et y avoit : Je, Henry, roy.,.. ilvoulloit dire de France et d'Angleterre, mais il laissa le titre de France, et dict au roy : Je ne le met-

trai points puisque vous êtes ici, car je mentirois. Et dict : Je, Henry, roy d'Angleterre, Et estoient les dicts articles fort bien faicts et bien escripts, s*ils eussent esté bien tenus. Ce faict, les dicts princes se partirent merveilleusement bien contents Tung de Taultre, et en bon ordre, comme ils estoient venus, s'en retournèrent, le roy de France à Ardres, et le roy d'Angleterre à Chines, là où il couchoit de nuict, et de jour se tenoitdans la belle maison qu'il avoit fait faire. Le soir, vindrent devers le roy, de par le roy d'Angleterre, le légat et quelqu'un du conseil, pour regarder la façon, et comme ils se pourroient veoir souvent, et pour avoir seuretc l'ung de l'aultre ; et feust dict que les roynes festoyeroient les Roys, et les roys les roynes ; et quand le roy d'Angleiterre viendroit à Ardres veoir la royne de France, le roy de France partiroit quant et quant pour aller à Chines veoir la royne d'Angleterre ; et par ainsi ils estoient chascun en ostage l'Ung pour l'aultre. Le roy de France, qui n'estoit pas homme soupçonneux, estoitfort marri de quoi on se fioit si peu en la foi l'ung de l'aultre. Il se leva ung jour bien matin, qui n'est pas sa coustume, et print deux gentilshommes et ung page, les premiers qu'il trouva, et monta à cheval sans estre houzé, avecques une cappe à l'espaignolle ; et vint devers le roy d'Angleterre, au chasteau de Chines. Et quand le roy fust sur le pont du chasteau, tous les Anglois s'esmerveillèrent fort, et ne sçavoient qu'il leur estoit advenu ; et avoit bien deux cents archers sur le dict pont, et estoit le gouverneur de Chines avecques les dicts archers, lequel feust bien estonné. Et, en passant parmi eulx, le roy leur demanda la foy, et qu'ils se rendissent à lui, et leur demanda la chambre du roy son frère, laquelle lui feust enseignée par ledict gouverneur de Chines, qui lui dict : Sire, il n'est pas éveille. Il passe tout outre, et va jusques à la dicte