Le « Franc de Bruges » [op. cit., t. II, p. 380, n

i6 CHRONIQUE DE JEAN II ET DE CHARLES V. [1382

cellui estât demoura jusques au tiers jour de may mil CGC IIII''^ et deux, à la quelle journée s'esmurent ceulx de Gand et alerent vers Bruges, là où le dit conte esloit. Et quant ledit conte sceut leur venue, cuidant que touz ceulx de Bruges lui fussent bons et loyaux, fist armer les gens d'armes qui estoient aveques lui et ceulx de la ditte ville de Bruges, et yssi de la dicte ville, pour aler combatre contre les dessus diz de Gand, qui avoient cappitaine un appelle Phelippe Artevelle^ Et, quant le dit conte cuida soy combatre aveques ceulx qui estoient issus de Bruges avec lui contre les dessus diz de Gand, une grant partie de ceulx de la dicte ville de Bruges se tournèrent contre lui et se mistrent an l'aide de ses ennemis. Si convint que le dit conte se retraist à Bruges, et le dit Artevelle et ceulx de sa compaignie le suirent et entrèrent en la dicte ville de Bruges, en la quelle ilz tuèrent pluseurs des habitans d'icelle, et aussi pillèrent et roberent les biens à leur volenté, et par especial touz les biens qu'ilz trouvèrent en Tostel du dit conte, et en envoierent grant foison en la dicte ville de Gand. Et le dit conte se sauva et se parti de la dicte ville et se retray en la ville de Lisle^ ; et quant ceulx de Gant orent fait tout leur plaisir en la dicte ville de Bruges, il se partirent et enmenerent aveques eulx des gens de la dite ville de Bruges, tant et telx comme bon leur sembla pour hostages, et s'alerent mettre à siège devant la ville de Audenarde, la quelle se tenoit pour le dit conte, et en laquelle estoient