Grand arc de position, lançant d'énormes javelots

celle journée touz ceulx de l'avantgarde passèrent la dicte rivière du Lis. Et ce mesmes jour se loga le Roy en plains champs, d'autre part de la dicte rivière, pour ce que le dit pont estoit despecié et ne povoit l'ost du Roy passer. Et cellui jour le dit Phelippe Artevelle oy nouvelles que les gens du Roy avoient gaengnié le dit pont et passage, et que les gens qu'il y avoit ordenez s'en estoient touiz et pluseurs y avoient esté mors. Si envoia celle nuit, environ mie nuit, environ vin" Flamens armez, pour cuidier icellui pont et passage regaengnier, et y envoia un sien compaignon, appelle Pierre du Bos*, aveques les diz Flamens, comme leur chief, et y avoit une femme qui portoit sa baniere et lui avoit ordenée par sorcerie, si comme on disoit^. Et quant ilz furent près de noz gens il les trouvèrent aux champs, touz armés, et coururent sus premièrement à la partie où estoit le dit seigneur de Sempy, qui n'avoit que vi*^ lances, le quel les actendi et combati à eulx très vaillamment. Et tantost seurvindrent le connestable, le mareschal de Sancerre et de leurs gens une partie, et coururent sus aux diz Flamens et tantost les desconfirent, et y en ot de mors en la place vi" et plus, et les autres s'enfouyrent, et y fut tuée la dite femme qui portoit la baniere, et le dit Pierre du Bos, leur cappitaine, s'en fouy tout navré, si comme on disoit^.

1. Pierre du Bois (Peter van den Bossche), l'un des quatre capitaines gantois, nommés en 1379, après le décès de Jean Yoens (Froissart, Chroniques, t. IX, p. lxxxii).

2. Il est question de cette sorcière dans d'autres chroniques encore [Religieux de Saint-Denis, t. I, p. 200; Istore et chroniques de Flandre, t. II, p. 263).