Câpres, chèvres

due que im genevois^ leur fu vendue ii sols^, et les autres viandes montèrent si haut qu'à paines i pooit on avenir. Et les tornois^ qui estoient pris pour XVIII genevois ne vodrent prendre que por tornois. Le roy sot comment la besongne aloit, si leur envoia le mareschal de l'ost pour moustrer qu'il feussent plus courtois à sa gent. H respondirent plus par paour que par amors que il feroient la volenté le roy, et que le chastel estoit en son conmandement, et qu'il i venist demourer s'il li plesoit, mes que les Genevois qui estoient mariniers le roy ne venissent pas dedenz le chastel, pour ce qu'il estoient anemis aus Puiseins leur mestres. Le mareschal respondi que le roy n'a voit que fere de leur chastel ne de leur forterece, mais tant seulement que les malades de son ost feussent cortoisement traitié, et que les viandes leur feussent données à certain pris et resonnable. Il otroierent tout; mes po ou noient en firent, fors tant seulement de pain et de vin qu'il abandonnèrent plus largement. Pour laquel chose François furent corroucié et distrent au roy cju'il voloient le chastiau destruire. Mais il ne s'i volt acorder, ançois respondi qu'il n'estoit pas partiz de France pour combatre aus crestiens.