Marbourg, Prusse, ville de l'ancien État de Hesse-Cassel

donnoit solers selonc la mesure de leur piez, car elle estoit touz temps garnie de solers granz et petiz pour donner à cens (|ui mestier en avoient. Et H meismes leur aidoit a chaucier, et puis si les convoioit et conduisoit tant qu'il feussent el chemin où il dévoient aler. Quant les povres estoient repeuz et couchiez, la bonne dame prenoit sa sostenance avoecceus de son hostel, ne ne vouloit avoir plus mestrise ne seignorie que les famés . qui servoient les povres avoec li, fors tant que quant elle en veoit aucune trop lente ou trop pereceuse, et elle li conmendoit à faire son service, se celé n'i voloit aler, elle meismes i aloit pour servir et pour aidier aus povres tant qu'il feussent en liz couchiez. Car il avenoit souvent qu'il se levoient de leur liz par nuit pour aler à chambre ou pour faire orine; si ne sa voient rassener à leur liz se il n'i estoient conduiz et menez. Aucune foiz avenoit qu'elle n'avoit nul povre à servir, si comme entour tierce ou entour miedi, que il n'estoient pas venuz; si s'en aloit seoir avoec les plus povres famés de la ville et filoit laine, et de ce file elle en faisoit faire dras dont les povres estoient revestuz. En povre habit se maintint puis le temps de la mort son seigneur, ne n'ot onques cure de cointise. Pour ce qu'ele amoit tant la povre gent, les dames du paiz l'orent en grant despit et li tornerent le dos, ne n'orent cure de sa compagnie.

Le roy de Hongrie oi dire que sa fille estoit en trop grant povreté, si conmanda à i chevalier qu'il alast veoir en quel point elle estoit. Le chevalier se mist à la voie et vint droit au chastel où il cuida trouver la bonne dame et se heberga chiez le seignor de la ville, et demanda de la dame où il la trouverroit, et l'en li

dist que il la trouveroit en i hospital où il ne repairoit que truans etchaitive gent. L'endemain par matin, s'en ala le chevalier cele part, si trouva sainte Ysabel qui estoit assise entre povres famé qui filoient laine, et avoit vestu i seurcot tout esrez et tout recluté. Quant le chevalier la vit, si en ot grant habominacion et dist à son escuier : « Par mon chief, ceste ne fu onques fille de roy; aucun truant coquin l'engendra. » Si s'en retorna arriéres, ne onques ne la volt saluer ne parler à lui.

Quant la bonne dame ot ainsi esté lonc temps, une maladie la prist si fort que nature ne la pot souffrir. Si comme le prestre l'eneulioit, une volée d'oisiaus vint devers le ciel aussi blanz comme noif et se assistrent sus les arbres d'entour le porpris, et commencierent à chanter i chant si douz et si plaidant que la gent d'iluec entour laissierent toutes besongnes pour euls escouter, ne ne cessèrent de chanter jusques a tant que l'ame li fu issue du cors^ Et quant elle fu transsie, il s'envolèrent vers le ciel. Si tost comme elle fu mise en son tombel, toutes manières de genz estranges et enfermes de toutes maladies diverses commencierent à guérir dès ce qu'il s'estoient reposé devant. :^on tombel. Commune renonmée s'espandi par le pais des granz miracles que Diex faisoit pour lui ; si que moût de bonnes genz de lointaignes terres la requistrent en grant dévotion.