En note : « nobles et non nobles

ost fussent courtoisement traitiez et que il leur vendissent leurs choses vendables raisonnablement. Ce que li rois requeroit, les gens de la ville otroierent, mes poi ou noient en firent aprèz ; seulement il firent que xii tournoiz valussent et fussent mis pour xiiii genevoiz et que l'en trouva plus habundaument du pain et du vin à vendre ; mes autres choses l'en ne pooit trouver s'a paines non, pour laquele chose Françoiz furent moult courouciez et le portèrent griement, et distrent et loerent au roy Looys que l'en destruisist le chastel et la gent, et que il le commandast. Mes li bons rois Looys, douz et paisibles, eslut miex à passer ceste chose souz dissimulation que soi combatre contre crestiens que il n'estoit pas venuz destruire, ja soit ce que il l'eussent deservi.