Cf. Grandes Chroniques, t. VII, p. 63, chap. xv

à la dite église, chai du vaissel où il estoit gardez, si comme l'en le donnoit à besier as pèlerins ; et fu perduz entre la multitude des genz qui le besoient le tiers jour des kalendes de mars ^. Mes aprèz ce fu trouvez par grant miracle apparissant et raportéz à la dite église a grant joie et a grant leece le premier jour d'avril ensuivant. La doleur et la compassion que le saint [roy] Loys et sa noble mère la roine Blanche orent de si grant perte ne fait pas à trespasser. Li rois Looys et la royne sa mère, quant il oïrent raconter la perte de si très grant trésor qui estoit avenu du saint clou en leur règne, se dolurent moult et distrent que nulles plus cruieuses nouveles ne leur peussent estre aportées ne dont il se peussent plus cruieument doloir. Li très bons et li très nobles roys Looys, pour la grant doleur que il out ne se pout contenir, ainçoiz commença à crier hautement et dist que il amast miex que la meilleur cité de son royaume fust fondue en terre et perie. Lors quant il sout la doleur et le pleur que li abbés et li couvens de Saint Denys menoient jour et nuit sans nul confort, si leur envoia sages iomes et bien parlanz pour euls conforter ; et y voloit venir en propre persone se le conseil de ses genz ne l'en eust retrait. Il fist commander parmi Paris et crier en rues et en places que se aucuns savoit riens de la perte du saint clou, et se nulz l'avoit trouvé ne receté, que il le rendist tantost et fust certains que il auroit c livres de la bourse le roy. Que vous diroie je plus? L'angoisse et la tristece du saint clou fu si grant par touz lieus qu'à paines porroit estre raconté. Quant cil de Paris entendirent le cri du saint clou qui fu perduz, il furent tormentez de dolour, homes et famés, enfanz, clers et escoliers, et commencierent à braire et à crier fondaument " en pleurs et en lermes. Aus églises cou-