Cf. Grandes Chroniques, t. VII, p. 280, chap. cxvi

fil Phelippe, l'enfermeté que il avoit li commença moult à croistre ; et pour ce li sains hons vout avoir et recevoir les sacremenz de sainte Eglise, endementres que il avoit saine pensée et sain et entier entendement. Ainsi comme l'en l'eneulioit et l'en disoit les vu psiaumes il disoit les vers d'une part et apeloit les suffrages des sains en nommant chascun saint quant l'en disoit la letanie devant lui. Quant il aperçut que ce estoit certaine chose que il morroit certainement et prochainement, il n'estoit de nulle chose soigneus, fors seulement de ce que il apartenoit à Dieu et à l'essaucement de la foi chrestiane proprement ; dont il disoit, li très bons chrestiens, en l'eure que il ne pooit mes parler, se trop bas non et à grant paine, à ceuz qui escoutoient ses paroles : « Pour Dieu, estudions et regardons comment la foi chrestiane puisse estre preechiée et plantée en Tunes. Hé Diex, qui sera convenables à y envoler preechier? » Lors, si nommoit I frère de l'ordre aus Frères Preecheurs, qui autre foiz y avoit esté preechier, et qui estoit bien cogneus du roy de Tunes. Ainsi, li vrais serganz Nostre Seigneur et li vraiz amerres de la foi chrestiane consumma la beneoite vie en confession de vraie foi. Lorsque la vertu du cors et de la parole li aloit défaillant petit à petit, il ne cessoitd'ape- 1er, si comme il se pooit efîorcier, les suffrages des sains à cui il avoit dévotion ; mesmement de saint Denys de France, le glorieus martyr qui est especiaus patrons aus rois de France ; et li oï lors dire pluseurs foiz la fin de l'oroison qui est chantée le jour de la feste saint Denys ; c'est à savoir : Trihue nobis, quesumus, prospéra mundi despicere, et nulla ejus adversa jormidare ; qui vaut autant à dire : « Sire Diex, donnez nous la prospérité de cest monde despire, et que nous ne doubtons nulle adversité. » Ausi fu il oïz souventes foiz dire le commencement de l'oroison monseigneur saint Jaque l'apostre : Esto Do-

mine, plebis tue sanctificator et custos ; c'est à dire : « Sires Diex, soies sanctifîerres et garde de ton pueple. » Quant ce vint à l'eure derreniere de la mort, li très bons rois se coucha en manière de croiz sur un lit tout couvert de cendre et rendi l'esperit à Nostre Seigneur, à celle heure meismes que li Fiex Dieu vout pour le salut du monde morir en la croiz ; sus lequel obit si chrestien et si beneuré et piteuse chose est de plorer, et piteuse chose de soi esjoir. Piteuse chose est de plorer le trespassement du bon roy, pour la perte et la désolation de toute sainte Eglise que il amoit moult dévotement et que il gardoit et deffendoit à son pooir. Especiaument touz li roiaumes de France se doit plaindre et doloir de sa mort, qui estoit en repos et en joie par si bon prince ; et se la force de doleur recet raison, il vaut miex que France s'esjoisse que elle pleurt, quar son trespassement fu si chrestien et sa vie si glorieuse et ses faiz si bons et si sainz que certaine espérance est à touz ceuz qui le cognurent, que il est trespassez de la cure du roiaume temporel à la joicuse court du roiaume celestiel où il est en repos sanz fin et régnera perpetuelment avec les sainz de paradys. L'endemain de la feste saint Bertremil l'apostre, trespassa de cest siècle li bons rois Looys, en l'an de l'Incarnation Nostre Seigneur M ce et LXX. Et furent gardez ses oz en un escrin pour estre enfouiz en l'église de Saint Denys en France, où il avoit esleu sa sépulture, ouquel lieu, quant il furent enterrez, Nostres Sires fist moult de miracles par les mérites du bon roy.

TABLE ALPHABÉTIQUE