Cf. Grandes Chroniques, t. VII, p. 277, chap. cxv
2. En note : « De tout ton cuer, de toute ta pensée et de toute ton âme, »
qui te sachent enseignier que tu doiz faire et de quoi tu ' te dois garder. Tu te doiz en tel manière avoir et porter ^ que tes confessors et tes amis t'osent seurement reprendre et monstrer tes defîaus.
Le servise de sainte Eglise oï dévotement sanz bourder et trufer et sanz resgarder ça ne là, mes pries Dieu dévotement ou de bouche ou de cuer en pensant à li doucement et especialment à la messe, à celle heure que la consecracion est faite.
Le cuer aies douz et piteus aus povres, aus chaitiz et aus mesaisiez, et les conforte et leur aide selonc ce que tu porras.
Se tu as aucune mesaise de cuer, di la tantost à ton confessor ou a aucun preudomme, si la porteras plus legierement.
Gardes que tu aies en ta compaignie touz preudes homes, soient religieus soient seculers et souvent parles à euls, et fui la compaignie des mauvais.
Escoute volentiers les sermons et en apert et en privé et pourchace volentiers prières et pardons.
Aime tout bien et hè tout mal en qui que ce soit.
Ne ne soit si hardiz qui die devant toi parole qui atraie ou esmueve à pechié, ne ne mesdie d'autrui par derrières en manière de detraction.
Nulle vilainie de Dieu ne de ses sainz ne suefTre que l'en die devant toi, que tu n'en faces tantost vengance.
Rent grâces à Dieu souvent de touz les biens que il t'a faiz, si que tu soies dignes encores de plus avoir.
A justice tenir et à droiture soies roides et loiaus envers tes songiez sanz tourner à destre n'a senestre, mais touz jours à droit et soustien la querele au povre jusques atant que la vérité soit desclairié.
1. En note : « si humblement et dévotement envers tes confesseurs ».
Se aucuns a afaire en querele contre toi, soies touz jours pour li et contre toi jusques atant que l'en sache la vérité, quar ainsi le jugeront tes conseilliers plus hardiement, selonc droiture et selonc vérité.
Se tu tiens riens de l'autrui, ou par toi ou par tes devanciers, se ce est chose certaine, rent la sanz demourer, et se ce est chose doubteuse, fai la conquerre par sages homes isnelement et diligaument.
A ce doiz mètre toute t'entente comment tes genz et tes songiez vivent en paiz et en droiture desouz toi, meemement les religieus et les persones toutes de sainte Eglise. L'en raconte du roy Phelippe mon aiol que une foiz li dist I de ses conseilliers que moult de tors et de forfaiz li faisoient cil de sainte Eglise à ce que il li tolloient sa droiture et li amenuisoient sa justice et que c'estoit moult grant merveille comment il le soufïroit ; et li bons hons li respondi qu'assez le creoit, mes quant il resgardoit les bontez et les courtoisies que Diex li avoit faites, il voloit miex laissier son droit aler que à sainte Eglise contens ne escande esmouvoir^.
A ton père et à ta mère doiz tu honeur et révérence porter et garder leurs commandemenz.
Les bénéfices de sainte Eglise donnes à persones bones et dignes et du conseil à preudes homes, et meesmement à ceuz qui n'ont riens en sainte Eglise.
Gardes toi d'esmouvoir guerres sanz trop grant conseil mesmement contre home chrestien, et se il le te convient faire, si garde sainte Eglise ceuz qui n'i ont riens melTait de touz damages.
Guerres et contens, soient tiens, soient à tes songiez
1. En note : « Aimme doncques mon filz les personnes de saincte Eglise, et garde à ton povoir leur paix. Secours volentiers aus povres en leur neccessité, et par especial aus bons de qui Dieu est en terre honnourez. »
apaise au plus tost que tu porras ausi comme saint Martin faisoit ^.
Soies diligent d'avoir bons prevos et bons bailbz, et enquier souvent d'euls et de ceuz de ton ostel comment il se maintienent 2.
Travaille que touz péchiez soit ostez de ta terre, mesmement vilainz seremens et hérésie fai abatre à ton pooir.
Encores te recorde je que tu recognoisses les bénéfices Nostre Seigneur, et que tu l'en rendes grâces et mercis,
Fai toi prendre garde que les despens de ton ostel soient raisonnables et amesurez.
En la fin, dous filz, je te conjur et requier que se je muir avant que toi que tu faces secourre à m'ame en messes et en oroisons par tout le roiaume de France et que tu m'otroies especial part et pleniere en touz les biens que tu feras.
Au derrenier, très chier fil, je te doins toutes les beneïçons que bon père et piteus puet doner à fil ; et la beneoite Trinité et tuit li saint te gardent et deffendent de tout mal, et Diex te doint grâce de faire sa volenté touz jours, si que il soit honorez par toi et que nous puissons aprèz ceste mortel vie estre ensamble avec lui, et lui loer sanz fin. Amen.
Comment li bons rois Looys trespassa de cest siècle. ^Aprèz ce que li bons rois Looys out ainsi enseignié son
1. En note : « qui creoit que c'estoit la consummacion de toute beneureté que mettre et garder paix entre ceulz ou a discorde ».
2. En note : « Aiez singulière devocion à nostre mère sainte Eglise de Romme et sciez obéissant au Saint Père, comme à ton especial père. »
