Cf. Grandes Chroniques, t. VII, p. 64, chap. xvi

et fist grant joie et grant feste as messages et les honora moult. II leur bailla sa fille que il avoit enseignié en sens, en courtoisie et en toutes bonnes meurs dès le temps de s'enfance. Les messagiers reçurent liéement la pucelle Marguerite, qui bêle et doutanz Dieu estoit ; et fu une des plus larges famé qui fust en son temps. Il pridrent congié au conte et enmenerent la pucele a grant joie, et errèrent tant qu'il vindrent au roy et li baillierent la pucelle. Li rois, quant il la vit, la reçut liéement et l'espousa i poi de temps aprèz en la cité de Sens et la fist coroner et sacrer en royne de France par la main l'archevesque Gautier de Sens ^.

Comment le conte de Champaigne vot aler contre le roy Looys et comment li rois des Harsacis le i^out faire occirre.

^Aprèz ce que li roys Looys se fu mariez, l'an ensuivant aprèz, le conte de Champaigne Thiebaut proposa à guerroier le roy et assambla grant ost. Quant li rois sout ceste chose, il manda ses barons, contes, dux et chevaliers et assambla tantost grant ost à Paris pour refraindre l'orgueil au conte de Champaigne et oster sa malice. Si comme li rois fu issuz de Paris, lui et son ost, et chevauchoit^ contre le conte de Champaigne, li contes qui oï dire que

1. Le ms. 10132, fol. 365 v°, ajoute ici un chapitre intitulé : « Comment il parle de la famine qui avint en France et ailleurs. L'an de grâce ensuivant, M CC et XXXV, une famine moult très grant avint en France et meismement en Aquitainne, si que les gens menjoient les herbes des chanz aussi comme bestes, et valoit lors le setier de blé c s. en Poitou ; et ilecques moult de gens périrent de fain et furent ars du saint feu. »