En note : « il fu moult dolent et courouciez

li rois chevauchoit contre lui atout son ost, se doubta forment et fu a grant mesaise de ce qu'il s'estoit espertement eslevez contre le roy son seigneur. Il se conseilla et vit bien que laide chose n'estoit pas de muer son mauvais conseil ou son mauvais propos avant la chose qui mauvaise apert, et envoia hastivement preudes homes au roy pour requerre pais et pour assouagier l'ire et l'indignation qu'il avoit conceu contre lui. Et pour ce que il trouvast plus tost grâce devant ses iex, il donna et otroia au roy Il villes avec leur forterece. C'est asavoir : Monsteruel en for d' lone et Bray sus Saine ^. Li qui ausi comme il estoit roides en justice vers les rebelles et vers les orgueilleus, fu douz et debonaires touz jours as humbles, si li pardonna volentiers et de gré. Ainsi li cuens de Champaigne s'apaisa au roy son seigneur de l'orgueil qu'il avoit commcncié et empriz contre lui et acquist derechief l'amour du roy. Aprèz ce, li rois retorna à Paris et donna congié à sa gent.

^L'année aprèz ensuivant, avint que li dyables qui touz jours a envie sus les bons et qui aperçut la sainte vie du roy Looys et sa prospérité, commença à penser soutivement comment il le porroit grever^. Il entra ou cuer au Viel des Montaignes, le roy des Harsacides et li fist penser et traitier de la mort le roy Looys. Cil rois des Harsacides pesmes et desloiaus habitoit en la fin des contrées d'Anthioche et de Damas, en chastiaus bien garniz seans sus montaignes et sus fors roches. Il estoit moult redoubtez de chrestiens, de Sarrazins et de Turs partout, loing et prèz, quar il faisoit occirre souvent pluseurs rois et

1. En note : « si que perdurablement comme feuez les tint, senz ce que lui, ne aucun de ses hoirs n'autre de son lignaige y peust jamais droit clamer en aucune manière ».