Latin : « quos omnes secum apud Compendium habebat

Looys et contre le royaume de France. Mes, il ne plut pas à Nostre Seigneur qui empeescha par sa divine otroiance, le mauves propos de l'empereeur, et garda sainement son leal sergant le roy Looys.

Comment la sainte corone d'espines Nostre Seigneur et grant partie de la sainte Croiz, et le fer de la lance dont il fu feras au costé vindrent à Paris.

^Li roys Looys qui vit que Diex li avoit ja donné un ans et plus pais en son royaume et repos de ses anemis, si n'oublia pas les biens et les honors que il li avoit faiz ; ainçoiz pour ce que greigneur bien et greigneur paiz venist et fust touz jours mes ou royaume de France, il fist et pourchaça tant vers l'empereeur de Costentinoble, Baudouin fd l'emperere Perron, de madame Yoles, famé jadiz et empereriz de Costentinoble, qui lors estoit venus en France pour avoir secours contre les Griex, que il li donna et otroia la sainte corone d'espines dont Nostre Sires fu coronez en sa passion, Li roys Looys envoia messages certains et solennex avec les messages l'empereur Baudouin en Costentinoble et fist aporter moult honorablement la sainte corone en France. Il ala encontre jusques à Senz ; là la reçut a grant leesce et a grant joie et la fist aporter moult solenneument jusques au boiz de Vicenes delez Paris.

En l'an Nostre Seigneur M CC et XXXIX, le vendredi après l'Assumpcion Nostre Dame, li roys Looys mut du boiz de Vicenes, nuz piez et desçains en pure sa cote et ses frères, Robers, Alphons et Challes, et aporterent les saintes reliques de la sainte corone moult honorablement