Cf. Grandes Chroniques, t. VII, p. 72, chap. xxi
a grant compaignie du pueple et du clergié et des religions, faisanz grans mélodies de chans ; et vindrent à procession jusques à l'église Nostre-Dame de Paris. A celle solennel procession, fu, du commandement le roy, Eude Climent lors abbé de Saint Denys en France, et son couvent moult honorablement revestuz d'aubes et de chapes de soie précieuses, tenans en leur mains gros cierges. Plus honorablement vint la procession de Saint Denys que nulle d'autres qui fust en celle compaignie, et vint desseure des autres jusques à l'église de Nostre Dame. Li chantres de l'abbaïe de Saint Denys commença dès le boiz de Vicenes jusques à l'église Nostre Dame de Paris, ausi comme especiaus chantres par desus toutes les autres processions, touz les chans qui furent lors entonnez et chantez^. Il commença en l'église Nostre Dame si haut l'antiene Sal^e Regina, en l'onneur Nostre Dame, que touz ceuz qui l'oïrent furent esmerveilliez. Aprèz ce, l'abbé et le couvent, dès l'église Nostre Dame jusques à l'ostel le roy convolèrent à procession la sainte corone en chantant ymnes et cantiques espiritueux, et illuec offrirent leurs cierges en la chapele le roy où la sainte corone fu mise.
Un poi de temps aprèz ce, li roys Looys entendi que les genz l'empereur Baudouin desus dit estoient en si grant povreté en Costentinoble que il avoient baillié en gages, pour une somme d'argent, grant partie de la sainte croiz où Diex fu crucefiez et l'esponge de quoi il fu en la sainte croiz abevrez, et le fer de la lance dont Longis le feri ou costé. Si se doubta forment que tiex et si saintes reliques ne fussent perdues par defaute de paiement ou estrangiés. Li bons rois qui prisa poi les richeces du monde pour gaaignier l'amour de Dieu, fist tant vers l'emperere Baudouin
1. En note : « La procession des religieuz de Saint Denis demeura en la nef Nostre Dame de Paris, séparée de toutes les autres processions. »
APPENDICK. 21
que il envoia persones honestes et autentiques à ceuz qui les saintes reliques tenoient en gages, et les raient et desgaga de ses propres richeces. Il les fist aporter moult honorablement en France et les fist mètre a grant procession d'evesques et d'archevesques, d'abbéz et de religions en Paris, en sa chapele, avecques les autres reliques, en une merveilleuse casse d'or et d'argent ouvrée, et par entour environnée de pierres précieuses. En celle chapelle qui est la plus bele que nulz veist onques, mist li rois Looys chanoines et chapelains et clers qui jour et nuit font le servise Nostre Seigneur, et establi rentes dont il pueent souffîsaument et honorablement estre soustenuz. Pour tiex choses et pour autres bones ouvres, deservi li roys Looys la grâce et l'amour Nostre Seigneur, dont il trait à pais ses anemis et out victoire de ceuz qui n'amoient mie pais. ■^En ice temps meismes avint que les mauves renoiez chrestiens de la terre d'Audijoiz, s'esleverent par force contre les bons chrestiens de leur terre et contre les gens le roy Looys de France qui estoient ou pais pour la terre garder. Les plus fors de ces mauvais Audigoiz s'esforçoient chascun jour d'assaillir les cbastiaus que les serganz le roi gardoient et tenoient en la main le roy. Mes quant il virent la grant multitude des renoiez et leur effort, il orent conseil et envoierent au roy de France leur seigneur messages et li senefierent les grans vilanies et les granz assauz que les Audigoiz leur faisoient. Quant li roys Looys sout ces nouveles, si manda tantost i sien chevalier, Jehan de Biaumont avoit non, et li commanda que il alast sus les Audigoiz, et que il ne tardast mie. Li chevaliers prist gens, chevaliers, escuiers et serganz a grant plenté et se hasta moult d'acomplir la volenté le roy, que il desiroit moult à faire. Au plus tost que il pout, trespassa parmi France, et en brief temps entra et vint en la terre
