En note : « Géorgie

joie de ce que il cuidoient qu'il courussent sus l'un à l'autre, et s'entre occeissent ^. 11 fu ordené par le conseil des granz maistres que il fussent armez au miex que l'en porroit et que il fussent montez seur ii bons chevaus. Mes quant il furent armez et montez seur les chevaus, il n'alerent pas li uns contre l'autre, si comme il cuidoient, ainçoiz corurent sus as Tartarins premièrement des glaives et puis des espées. Quinze en occidrent et xxx en navrèrent cruelment ainçoiz que il peussent estre priz ne occiz des Tartarins. Par ces ii chrestiens qui ainsi se contindrent, doubterent puis trop forment li Tartarin et li Turc les gens de France.

Aprèz ce fait avint que li Tartarin corurent jusques à une cité qui a non Cesaire, qui siet en Capadoce et la pridrent, et gasterent toute la terre d'environ. L'année aprèz ensuivant, il corurent jusques à la cité de Favestre et d'Icoine qui est la roial cité de Turquie, et souzmistrent Turquie et les Turs touz desouz leur poesté. Quant li Turc furent pris et mis sous la subjection des Tartarins, il affueblierent et perdirent si leurs forces et leur non, ja soit ce que il fussent moult de gens, que il ne furent puis de nulle vigueur ; dont moult de gent disoient que se li rois Looys de France, qui ala puis outre mer, fust alez droite voie en Turquie, il li eussent rendu franchement la terre sanz contradiction ; mes il arriva ou roiaume d'Egypte qui est terre moult périlleuse, si comme vous orrez ci aprèz dire.

En ce temps meismes, gasterent li Tartarin, par i de leurs princes, la terre de Hongrie et de Poulaine, et par devers la mer. Roussie et Gazerie, avec xxx autres roiaumes, et vindrent prezques jusques au roiaume d'Alemaigne. Li Tartarin, avant que il entrassent en Hongrie, pour ce que il se doubterent, sacrefîerent au dyable pour avoir response se il enterroient en Hongrie ; et leur fu res-