Cf. Grandes Chroniques, t. VII, p. 101, chap. xxxii

avoient gasté Inde ^ et Arménie la grant, et avoient bien par l'espace de xx ans continuelment assailli par un de leurs barons le roiaume de Turquie, s'assamblerent tuit ensamble et assegierent la cité de Turquie qui a nom Arsaron. Si comme aucuns dient, est la terre de Hus en laquele saint Job habita jadiz et régna. Quant la cité fu ainsi assegié, li Turc qui dedenz estoient, quant il virent que il n'avoient pas secours de leur seigneur le Soudan, si comme mestiers leur estoit, et que il ne porroient pas durer contre si grant multitude de Tartarins, si pridrent conseil ensamble que il se rendroient à euls, sauves leurs vies et leurs cors, et devendroient leurs sers par tel convent que il les sauveroient et deffendroient de touz. A ceste chose offrir et faire estable envoierent li Turc le bailli de la ville qui l'offri en la manière que nous avons dit. Quant li Tartarin oïrent l'offre que li Turc faisoient, maintenant otroierent ce que il requeroient, et leur jurèrent, selonc leur manière, à garder et à tenir fermement. Mes tantost comme il furent entrez en la ville, il rompirent l'ordenance et la paiz devant dite et coururent sus as Turs et occidrent touz ceuz de la ville.

Aprèz ce, vindrent li Tartarin à la cité que l'en apele Arsangue et firent ces meismes convenences à ceuz de la cité ; mes quant il furent dedenz il tuèrent et occidrent touz ceus qu'il trouvèrent dedenz. En celle cité d' Arsangue furent priz ii chrestiens qui estoient en chartre et tenuz comme cheitis en prison, et furent nez du roiaume de France. Aucuns des Tartarins qui avoient oï dire que François estoient fors batailleurs, quant il sorent que cil estoient François, si vindrent as greigneurs de leurs maistres et leur prièrent que il les feissent combatre ensamble pour ce que il desiroient à veoir la manière que Françoiz ont en bataille. Et d'autre part il orent grant