Cf. Grandes Chroniques, t. VII, p. 108, chap. xxxv

les enfanz tuèrent et occidrent sanz espargnier à nullui et espandirent le sanc des genz non pas par la cité seulement, mes toute l'église du Sépulcre en concilièrent. Et lors primes fu acomplie la prophétie David qui dist : « Diex, une gent mescreant est venue et entrée en ton héritage dedens. Ton temple ont conchié de vilaines ordures ; tes serganz ont occiz, les chars ont abandonnées as oisiaus du ciel et as bestes de la terre. Leur sanc ont espandu entour Jérusalem ausi comme vaue, et ne fu qui les ensevelist. » Geste crueuse gent avoient ja esté par devant en Gazaire, et avoient la cité prise et occiz les chrestiens, les Templiers, les Hospitaliers et bien prèz touz les nobles homes du pais, dont on doubtoit moult que il ne preissent et destruisissent toute la terre d'outre mer qui avoit esté acquise par granz sueurs et a granz travaus de chrestiens.

Comment pape Innocent célébra concile gênerai à Lyons sus le Rone, et comment il condempna et priva, par le conseil des cardinaus V empereeur Frédéric de toute Voneur et de toute la dignité de V Empire.

^ En l'an Nostre Seigneur MCC et XLV, la nuit du derrenier jour d'avril, qui fu en la vegile des apostres saint Phelippe et saint Jaque ^, la roine Marguerite de France out de nuis i fil que li roys Looys fist nommer Phelippe pour l'amour de son aiol le roy Phelippe.

En ce meismes an, papes Innocent le quart célébra concile gênerai à Lyons sus le Rone. Là prist conseil as cardinaus et au saint couvent des prelas qui illuec furent seur les excès Frédéric l'empereur de Rome, et le con-