En note : « moult grant et moult grief

temps en la terre d'outre mer, ja soit ce que moult li desloassent, que lessier la besoigne Nostre Seigneur Jhesu Crist ainsi désespérée et lessier les chetiz en tant de periz comme il estoient. Mes il envoia ses ii frères Aufons conte de Poitiers et Challe conte d'Anjou en France pour conforter la roine Blanche sa chiere mère qui le royaume gardoit sagement et paisiblement. Et avindrent ces choses derrenieres dites l'an de l'Incarnation Nostre Seigneur MCC et L.

^Incidence. En ce temps avint que li ainnez fîlz Frédéric l'empereeur morut, et aprèz lui, Frédéric, en Puille, dampnez et escommuniez. Quant Frederiz fu mors et ses filz, papes Innocens se parti de Lyons sus le Rone et vint en Ytalie, en une cité que l'en nomme Assise où il demora une pièce de temps. Aprèz ce, il s'en parti et trespassa parmi la cité de Rome et vint à une cité que l'en apele Anaigne^, où il sejorna grant pièce.

En ce temps avint lors que Corrars filz Frédéric l'empereeur dampné, de la fille Jehan de Breigne^ jadiz roy de Jérusalem, commença trop forment à monter en la seignorie du roiaume de Sezile et de Puille, et fist moult de persécutions et de maus à l'église de Rome et au pueple ausi comme ses pères jusques à sa mort. Dont il avint que comme il eust pris par foi et par aliance la cité de Napïes en sa garde, qui se tenoit pour l'église de Rome, et que Mainfroiz ses frères bastars, princes de Tarente avoit assaillie par v mois, et fist abatre les murs de la cité et les meilleurs maisons as gens de la ville ; mes aprèz ce, ne