Cf. Grandes Chroniques, t. VII, p. 153, chap. lviii

mort en ice temps, et avoient trop petite espérance lors sa gent de sa vie. Mes par la volenté de Dieu qui ouvre et atome au profit de ceuz que il aime toutes choses en bien, donna tel volenté au Soudan que il se fist prendre garde par ses mires et par ses phisiciens qui miex savoient garir de celé maladie que nos phisiciens du roy, et le fist guarir et li aministrer habundaument et courtoisement quanqu'il voloit et requeroit pour sa maladie. Dont l'en pout bien dire et affermer certainement du roy et de sa gent ce que David dist ou psautier : Dédit eos Dominus in misericordias in conspectu omnium qui ceperant eos; c'est à dire : Nostres Sires a donné pitié et miséricorde à son pueple es iex de touz ceuz qui pris les avoient. Aprèz ce. l'en doit regarder que ce ne fu pas merveilles que li rois Looys fu ainsi pris, ainçoiz fu miracle de la divine puissance de Dieu et torna as mérites du bon roy, quar il et si frère et tuit li autre furent assez tost et pour poi de priz délivrés des mains des Sarrazins, sains et hétiez, si comme vous orrez aprèz dire.

Comment li rois et ceuz qui furent priz issirent de la prison des Sarrazins, et comment li Soudans fu occiz.

Un poi de temps aprèz que li rois Looys fu gariz, li Soudanz le fist requerre a grant instance et par menaces, de trêves, et requist que Damiete li fust rendue atout les choses que nos genz i avoient trouvé, et que touz les cous, les damages et les despenz que il avoit fez et euls dès le jour que Damiete fu prise, li fussent renduz et restabliz ^. Iluec fu ordené et parlé de moult de choses. Mes au der-

1. En note : « Et cecy requeroit-il à saint Loys en le menacent, se tantost sa demande ne lui adcomplissoit. «

renier fu ordené de paiz et de trêves et de raençon en la forme qui ensuit : C'est à savoir que li Soudanz deliverroit le roy Looys et touz ceuz qui avoient esté pris puis que il estoit venus en Egypte, et touz les autres de quelconques nation il fussent qui avoient esté priz dès le temps que Emel, le soudan aïol de cestui soudan, puis les trêves que il avoit jadiz prises à Frédéric, l'empereeur de Rome, et les metroit hors de prison et les lesseroit aler frans et délivres, quel part que il voudroient.

Derechief, que toutes les terres que les chrestiens tenoient ou roiaume de Jérusalem et avoient tenu puis la venue le roy Looys, il tendroient en pais avec toutes leurs apartenances, et aroient trêves les chrestiens des Sarrazins jusques à x anz. Et pour ces choses faire et acomplir, li rois Looys estoit tenus à rendre Damiete au Soudan et VIII™ besans sarrazinoiz pour la délivrance des chrestiens qui en prison estoient, et pour damages et despenz que li Soudan avoit faiz en ceste guerre.

Derechief, li rois Looys estoit tenus à rendre au Soudan touz les Sarrazins que chrestiens avoient pris en Egypte puis que li rois Looys y estoit venuz et touz les autres qui avoient esté pris ou roiaume de Jérusalem puis les trêves que Frédéric l'empereur et le soudan desuz dit donerent.

Derechief, il fu adjousté as choses desus dites que touz les biens muebles que li rois Looys et les barons de France auroient laissié à Damiete, quant il s'en partiroient, seroient sauvez au roy et as barons, et seroient sous la garde au Soudan et en sa defPense jusques atant que il auroient oportunité de porter les en la terre des chrestiens.

Derechief, touz les chrestiens malades et les autres qui

pour leurs choses vendre, demourroient en Damiete, il

seroient asseur et s'en porroient partir sanz empéeche-

ment fust par mer ou par terre, si comme il voudroient.

82 LES GRANDES CHROINIQUES.

Et donroit li Soudans seur conduit par terre jusques à la terre des chrestiens^.

Ainsi comme ces choses furent faites et ordenées, et par serement fermées, et le Soudan et son ost venist à Damiete pour acomplir les choses desuz dites, avint, par la volenté de Dieu que aucuns Sarrazins de l'ost corurent sus au Soudan si comme il se levoit du diner et le navrèrent cruelment et puis le decoperent pièce à pièce, voianz touz les amiraus, si comme il issoit de son tref à ce que il peust fouir ou eschaper ; mes ce ne fu pas sanz l'acort de la greigneur partie de l'ost. Geste chose faite, moult de Sarrazins vindrent à la tente le roi Looys armez et eschaufez d'ire, et levoient les espées toutes ensanglentées sus la teste le roy, du sanc au Soudan et li apuioient as costez ausi comme se il le vousissent occirre et touz les chrestiens. Mes la devine debonaireté Nostre Seigneur garda le roy Looys et sa gent, et apaisa la forsenerie as Sarrazins. Li Sarrazin requistrent tantost le roy Looys que il afîermast les trêves que il avoit prises au Soudan et firent granz menaces à lui et à ses barons se il ne rendoient tantost Damiete selonc les convenences desus dites. Illuec dist I des Sarrazins qui le Soudan avoit occiz au roy Looys, l'espée traite et ensanglentée, que il le feist chevalier et il le deliverroit des mains des Sarrazins et bien le pooit faire. Mes li rois li respondi que il n'en feroit riens se il n'estoit chrestiens ; mes se il voloit estre chrestiens, il l'enmenroit en sa terre et li donroit grant tenement et puis le feroit chevalier.

Au traitier de la pais et des trêves, voudrent les Sarrazins que li rois Looys deist et meist es lettres de la confirmation que il renioit Dieu et sa loi se il aloit contre les convenences ; et il renioient Mahommet et sa loi ausi se il faisoient encontre. Mes pour chose que il seussent dire

1. En note : « à touz ceulz qui par terre s'en voulroient aler ».

ne faire, ne s'i vout acorder li rois ja soit ce que ou faire n'eust point de pechié. Lors li dist i des amiraus : « Trop nous merveillons comme vous soiez nostre esclave et nostre chetif, pourquoi vous parlez si baudement ; si sachiez que [se] vous ne faites ce, je vous occirrai maintenant. )) A ce respondi li bons rois et dist : « Le cors de moi porrez vous bien occirre, mes l'ame n'occirez-vous pas. » En la parfm avint, si comme Diex plot, que li rois Looys conferma les trêves et les convenances qui avoient esté faites entre le Soudan et lui a touz les amiraus, et prist serement de chascun selonc leur loi et fist assigner jour et temps quant li chetif seroient renduz et Damiete bailliée. Si sachiez qu'à Damiete rendre s'acorderent envis li rois et li barons. Mes pour ce que il sorent par ceuz dedenz qui venoient à euls parler, que nulle espérance n'estoit de retenir la longuement, il orent conseil et eslurent plus pourfitable chose estre à rendre Damiete, et euls délivrer par tel paiz et par teles trêves, que aprèz perdre la cité et le pueple qui dedenz estoit. Dont il avint que au jour qui fu déterminez, Damiete fu rendue as amiraus et il rendirent le roy Looys et ses frères et les barons et les chevaliers du roiaume de France, de Chipre et de Jherusalem. Et pour ce, dès lors en avant, orent li rois Looys et les barons ferme espérance que ausi comme il les avoient délivrez, que il rendroient volentiers les autres chrestiens qui en leurs prisons estoient, selonc la forme des trêves et de leurs seremens.

Comment li rois Looys se départi d'Egypte, et comment les Sarrazins rompirent leurs coni>enances.

■"^ Toutes ces choses faites si comme il est desuz dit, li 1. Cf. Grandes Chroniques, t. VII, p. 157, chap. lix.

roys de France Looys se départi d'Egypte et les barons et les autres qui avecques lui furent délivrez, et laissierent certains messages en Damiete pour recevoir les chetis emprisonnez et pour garder leurs choses que il avoient laissiées, quar il n'avoient pas navie souffîsant pour porter ce qu'il avoient delessié. Aprèz ce, li rois vint en Acre, et pour le grant désir que il avoit que tuit li autre chetif fussent délivrez, il envoia derechief solenniex messages en Egypte, et leur bailla navie pour ramener arriéres les chetis prisonniers et le harnoiz et les choses que il avoient delessié ; c'est à savoir engins, armes, tentes, chevaus et moult d'autres choses. Quant les messages furent venuz en Egypte, les amiraus devant diz requistrent a moult grant instance leurs chetis selonc la forme des trêves et retindrent les messages en Babiloine sus l'espérance de rendre ce que il requeroient. En la parfin avint que quant les messages le roy Looys orent longuement atendu, les amiraus ne rendirent des chetiz qui bien xii™ estoient entre viez et nouviaus, si comme l'en disoit, que cccc ; desquiex l'une partie issi de prison par son argent paiant. De toutes les autres choses ne voudrent les amiraus riens rendre, ainçoiz firent trop grant desloiauté, quar il eslurent des plus biaus jouvenciaus chrestiens que il tenoient en prison et les firent ferir d'espées et de glaives, ausi comme bestes que l'en maine au sacrefice pour ce que il renoiassent la foi chrestiane et tenissent la loi Mahommet, dont il avint lors que moult de fuebles chrestiens renioient la foi chrestiane et reçurent la fause et escommeniée loi Mahommet. Les autres qui furent vertueus champions et très fors en la foi Nostre Seigneur Jhesu Crist se tindrent forment en leurs propos jusques à la mort, par quoi il aquistrent et reçurent les corones des glorieus martyrs.

^Li rois Looys qui cuidoit certainement que aprèz sa délivrance et la délivrance des chetiz, que la terre d'outre mer que crestiens tenoient deust demorer en pais par les trêves que il avoit pris as Sarrazins, appareilloit et faisoit atourner sa navie^ pour repairier en France. Mes quant il sout certainement et entendi que les amiraus et les Sarrazins venoient et faisoient apertement contre les trêves et les convenances que il avoient fermées par leurs propres seremens, si fu moult courouciez et requist conseil as barons, as chevaliers, as clers et as religieus que il feroit en si grant nécessité. A ce s'acorda la plus grant partie et dist que se l'en se partoit maintenant, que la terre d'outre mer seroit en péril que elle ne fust perdue pour ce que elle estoit en trop mauvez estât ; et avenroit que les chetis chrestiens que les Sarrazins tenoient en prison, seroient sanz espérance que il peussent jamais estre délivrez et seroient tenus ausi comme perdus. Derechief s'acorderent et distrent au roy Looys que se il demoroit encores i poi de temps, que sa demeure porroit faire aucun bien et aucun profit as chrestiens et à la terre sainte, meesmement pour ce que descors estoit entre ceuz de Babiloine et le soudan de Halape^. Li soudans avoit assamblé ses oz et avoit ja pris Damas et autres chastiaus qui estoient sous le pooir à ceuz de Babiloine ; et disoient moult de genz que li soudanz estoit meuz à ost pour venir en Egypte pour vengier la mort du soudan qui avoit esté occis, et pour Egypte prendre se il pooit par force. Ces choses pourpensées et ces nouveles dites, li rois Looys ama miex à prolongier son passage et demorer par un poi de