Cf. Grandes Chroniques, t. VII, p. 42, chap. vi

chastiaus estoit ja si cassez des cops des engins et des perrieres qu'à paines qu'il ne trebuchoit, et pour ce se rendirent-il si tost. Quant li rois d'Engleterre oï dire que le chastel de Belesme estoit priz, si out paour et s'en retourna a grant honte et a grant vergoigne hastivement en Engleterre. En ceste manière fu soudainement rendu et pris le chastel de Belesme contre l'espérance de pluseurs qui disoient qu'il ne pooit estre pris ne par force ne par engin ; quar le chastel seoit sus roche naturel et clos estoit de fors murs et de fors tours, et avoit dedenz bonne gent pour eus defîendre ^.

Ceste chose fu faite ou temps d'iver que li froiz estoit si granz qu'à paines le pooit nus souffrir. Illuec fist la roine Blanche mètre le roy, qui lors estoit au siège, qui lors estoit son fd. Comme dame sage et soutive fist faire i grant feu et alumer, que les chevaus ne morussent par la grant froidure. Elle fu la plus sage dame, si comme pluseurs disoient, qui onques fust à son temps. Touz les biens vindrent ou roiaume de France tant comme elle fu en vie.

^En ce meismes temps que li rois ot pris et conquis le chastel de Belesme, Jehans des Vignes qui fu très loiaus bons, nobles et preuz as armes, assambla i ost en Normendie et le mena à la Haie Paiennel, et dedenz poi de jours aprèz il la conquist et la rendi sougiete à son seigneur le roy Looys.

Li papes Honoires ^ trespassa en ce temps de cest siècle à Dieu ; aprèz lequel l'evesque d'Ostie, Huguelin fu esleus en pape et fu nommez Gregoires li nuevismes*.

1. En note : « A ceulz qui dedens le chastel estoient, le roy par la grant miséricorde dont il estoit plein, tout ce que il avoient offensé contre la royal magesté, doucement leur pardonna. »