Ahers, attaché

3. En note : « et leur fausse machination au roy saint Loys. II... ».

plenté de gent, chevaliers et escuiers ; soudoiers et sergans d'armes et se mist à la voie contre les barons, dolenz et desdaigneuz pour ce que il n'avoient riens prisié son mandement. Les barons oïrent dire et sorent que li rois venoit atout grant ost ; si se doubterent moult ne ne l'osèrent attendre, ains se partirent du siège au plus tost que il porent, et s'en alerent chascun en sa terre. Quant li rois entendi et sont certainement que il s'en estoient fuis et alez, si retorna arriers, lui et son ost ^.

^Un poi aprèz ce, en cel an meismes, Pierres Mauclers cuens de Bretaigne, par le conseil et par l'aide des devant diz barons prist en soi si grant orgueil que il se révéla contre le roy apertement et fîst venir le roy Henri d'Engleterre a grant plenté d'Engloiz en s'aide contre le roy de France son seigneur. Chascun selonc sa force assambla grant ost, et entrèrent par force d'armes en la terre le roy Looys et la commencierent à gaster. Mais li rois Looys qui fu enflambés et atisiez de faire justice de tele presumption, assambla tantost grant ost, et proposa premièrement à aler sus le conte de Bretaigne qui estoit chiez de cest malice. Il vint hastivement au chastel de Belesme que le conte de Bretaigne tenoit et avoit receu en garde du roy Looys père le roy ; mais rendre ne le voloit, ains le tenoit par sa force et disoit qu'à sa droiture apartenoit. Li rois fist asseoir et enclorre de gent le chastel et fist ses engins drecier et ses perrieres qui getoient grosses pierres à ceuz dedenz. Dont il avint i poi de jours aprèz que cil qui gardoient le chastel et defîendoient, quant il aperçurent la force de l'ost le roy, si doubterent forment et virent bien que il ne povoient le chastel longuement tenir. Et quant il virent qu'il ne pooient eschaper ne avoir aide ne secours, il se rendirent et vindrent à merci au roy. Li