Cf. Grandes Chroniques, t. VII, p. 170, chap. lxvi

4. En note : « Après ce que les deuz frères, comme devant est dit, s'en estoient retournez en France, le roy Loys demeura ou royaume de Jherusalem, car il ne vouloit mie que la terre des crestiens feust ainsi laissiée desgarnie, par quoy les Sarrasins, qui ja s'estoient enorguilliz pour la prise du roy Loys preissent et destruisissent les citez que les crestiens tenoient, et les crestiens tenissent en chietivoison. »

5. En note : « car nouvelles citez fondoit, et les anciennes reparoit ».

Aucuns amiraus qui veoient la grant constance de li et la grant bonté de ses euvres, li furent bienvoillans et l'amerent et li firent moult de servises, ja soit ce que il ne tenissent pas la foi chrestiane^.

^Ou temps que li rois Looys demouroit ainsi outre mer, avint que il ont dévotion d'aler en pèlerinage en la cité de Nazareth où Nostres Sires Jhesu-Criz fu norris ; mes comment il i ala dévotement, ne fait pas à taire. Li rois se parti d'Acre et vint jusques à Sephore qui est en la chane de Galilée, où Nostres Sires fist as noces, de l'iaue vin. Puis illuecques en avant, vesti la haire sus sa char nue, et vint par le mont de Thabor, la veille d'une Annunciation Nostre Dame, en la cité de Nazareth. Mes, de si loing comme il pout veoir la cité, il descendi de son cheval, et s'agenoilla à terre dévotement, et aora Nostre Seigneur. Dès illuecques en avant, ala à pié jusques atant que il fu au lieu où Nostres Sires Jhesu Criz fu norris. Ice jour meismes jeûna en pain et en yaue, ja soit ce que il fust moult de la voie traveilliez. Comment dévotement 11 bons rois se contint illuecques et comment solennelment il fist chanter glorieuses vespres et matines, et tout l'autre servise à chant et à deschant, à, orgue et à treble, ce pueent tesmoignier ceuz qui i furent, que puis que li filz Dieu prist incarnation en sa glorieuse mère la Vierge Marie, ne fu illuec si glorieus servise fait ne chanté. A l'autel où li angres fist l'annunciation à la Vierge Marie, fu la messe chantée, et illueques reçut li bons rois moult dévotement son sauveeur, et puis s'en retorna à Japhé où il demoura longuement. A Japhé, out la roine Marguerite famé le roy Looys une fille que li rois fist apeler Blanche pour l'amour de sa chiere mère, la roine Blanche.

1. En note : « Mais le faisoient de l'usaige de leur loy senz offenser. »