Cf. Grandes Chroniques, t. YII, p. 171, chap. lxvii
En ce temps que li rois Looys demouroit à Japhé, vindrent nouveles que sa chiere mère la royne Blanche estoit trespassée de cest siècle, et les sont premiers li legas de Rome, mesire Oedes de Chastiau Raoul, evesque cardinal de Tusculaine. Il prist tantost avecques lui l'archevesque de Sur^ qui lors portoit le seel au roy Looys et frère Gyfîroi de Biaulieu^ conf essor le roy, et les mena devant le roy, et li dist que il voloit secréement parler à lui devant euls ii. Li rois aperçut tantost le vout au légat, qui estoit griez et pesanz ; si pensoit bien que aucune chose triste li voloit dire. Il les mena lors de chambre en chambre et vint jusques en sa chapele, et fist les huis fermer, et s'assist devant l'autel avec euls. Lors commença sagement à parler li legas et dist au roy et raconta les granz bénéfices que la sainte bonté Nostre Seigneur li out abandonnéement donné et otroié par sa grâce dès ce que il estoit Jones et ou temps de s'enfance, et entre les autres choses que Diex li avoit données, devoit il grâces rendre à Nostre Seigneur de ce que il li avoit donnée tele mère, qui si dévotement l'avoit norri et si saintement enseignié, et qui si loiaument et si très sagement avoit gardé et aministré les besoignes de son roiaume. Aprèz ce, li cardinaus commença à lermoier et dénonça au roy la mort de sa chiere mère la roine Blanche, qui bien faisoit à plaindre. Quant li rois Looys entendi que sa mère f u morte et trespassée de cest siècle, il commença à crier comme bons chrestiens à haute voiz, et fondi touz en lermes, et se mist à genous devant l'autel moult dévotement, et mercia Dieu à jointes mains, et dist : « Sire Diex, je vous
1. Sur est Tyr. L'archevêque de Tyr était Nicolas Larcat, archevêque depuis le 5 février 1251, il mourut, suivant Gams, en 1253 (cf. Eubel, Hierarchia catholica).
2. Geofîroi de Beaulieu, dominicain, confesseur de saint Louis, qui en a écrit la vie.
rent grâces et niercis, qui par vostre bonté m'avez preste si longuement ma chiere mère, et par corporel mort l'avez prise et receue par vostre bon plèsir à vostre part. Il est bien veritez, biau très douz père Jhesu Crist, que j'amoie ma mère seur toute créature qui fust en cest siècle mortel, quar bien deservi l'avoit, mes puisque il vous vient à plèsir que elle est trespassée, beneoiz soit vostre non. » Aprèz ce, li legaz commença à dire commendation pour l'âme de la morte, et quant elle fu dite, si se parti du roy et li et l'archevesque, et demora li roys en la chapele, et son confesser. Quant il s'en fu partiz, li rois demora en souspirs et en lermes et en grant pensée i poi devant l'autel, et quant il out receu confort, si se leva du lieu où il estoit et dist tout le servise des mors, vespres et vegiles^ avec son confessor. Puis lors en avant, li rois fist chanter chascun jour especial messe devant li pour l'âme de sa mère, s'il ne fust diemenches ou feste de principal solennité.
Des chrestiens qui furent occis à Saieste, et comment li roys Looys les fist enterrer.
2 Aprèz ce que li rois Looys out fait fermer et appareillier la cité de Japhé, il envoia gens et ouvriers a grant plenté pour fermer la cité de Saieste. Mes une matinée avint que i grant ost de Sarrazins seurvint seur ceuz qui ouvroient, avant que cil qui les dévoient garder s'en aperceussent, et occidrent bien m™ chrestiens, et puis passèrent outre jusques à Belinas qui lors estoit en mains de Sarrazins, Les autres qui eschaperent des mains des Sarrazins se ferirent en i chastel qui estoit illuec en mer, et n'osèrent puis ouvrer. Quant ce entendi li roys Looys, si
