En note : « et ses enfans que il avoit emprès lui

2. En note : « ou à une roche que elle avoit trouvée, si comme pluseurs tenoient ».

Ion de soie moult bel et moult riche avec les choses desuz dites donna encores la roine Marguerite, et commanda qu'il fust mis et estenduz toutes les festes anniex par desus les cors des glorieus martyrs, monseigneur saint Denys et ses compaignons.

^Incidence. En l'an de l'Incarnation Nostre Seigneur M ce et LV, occidrent les Frisons Guillaume le roy des Romains.

En celle année meismes, le jour de la feste saint Climent, li pueples de Thorin prist par force et par traïson, du conseil à ceuz de la cité d'Ast, Thomas conte de Savoie leur seigneur. Quant ce sout l'église de Rome, si fu moult couroucié pour ce que le conte Thomas avoit soustenu l'église de Rome ou temps de pape Innocent le quart et pour ce qu'il avoit la nièce dudit pape espousée, qui estoit suer monseigneur Othebone ^ dyacre cardinal de Rome. Icelle ville de Thorin avoit eu li contes Thomas du don Guillaume des Romains roy que les Frisons occidrent. Et pour ce fist l'église de Rome escommenier ceuz de Thorin et de Ast, et commanda au roy de France Looys que il preist et feist prendre par tout son roiaume leurs biens. Aprèz ce, la cité fu assise de monseigneur Boniface esleu de Lyons et de Pierre de Savoie frère dudit conte Thomas. Mes prendre ne le porent ja soit ce que il occupassent le pont qui siet sus la rivière et feissent moult de damages as lieus voisins d'entour^.

En ce temps avint que li contes de Flandres et ses frères que la contesse Marguerite avoit eu de monseigneur Guil-