Cf. Grandes Chroniques, t. VII, p. 175, chap. lxix

prelas, li clergiez, les chevaliers et l'autre pueple faisoient jusques à la nef. Li bons rois devoz fist mètre en sa nef le cors Nostre Seigneur par grant devocion, pour acommingier li et les malades, se mestier en fust. Et ja soit ce que nuls pèlerins n'eust onques ce fait, de quelque hautesce que il fust, toutes voies en out-il especial grâce et congié du légat, pour sa grant devocion. Ice glorieus trésor du cors Nostre Seigneur fist mètre li rois ou plus haut lieu et ou plus convenable de sa nef et fist pardesus faire un tabernacle couvert de dras de soie batuz à or. Par devant le tabernacle fu un autel dreciez qui fu aornez de chiers aornemenz où li rois fist dire touz les jours le servise de la messe entier fors le canon et ce qui apartenoit au sacrement, et toutes les heures canoniaus, et estoient revestuz les menistres de l'autel si comme il apartenoit à la journée. Li rois fu diligent et mist grant cure à ce que les malades qui estoient en sa nef et es autres eussent toutes leurs nécessitez selonc ce qu'il apartenoit à leurs maladies, et meesmement que il fussent bien confez, et receussent leurs sacremens. Il fesoit au mort faire par ses chapelains le servise et l'obseque tel comme il apartenoit en tel lieu.

Quant les voiles furent levez au vent, la nef le roy erra tant que elle trespassa l'isle de Chipre en m nuis. Mes un poi prèz d'iluec avint qu'à poi que il ne furent tuit perilliez, quar la nef le roy se feri à plain voile en une gravele de terre endurcie, si fort que elle croissi, qui est grant péril à gent qui nagent par mer. Lors commencierent tuit à crier à haute voiz pour ce que il cuidierent que la nef fust brisiée en la sentine, et se désespérèrent li marinier, ne ne savoient que il deussent faire. Quant li bons rois chrestiens vit ce, jasoit ce que il doubtast le péril, toutes voies out il ferme espérance en Nostre Seigneur, et laisa la roine Marguerite sa famé qui gisoient ausi comme mors

touz estourdiz ^ et courut devant l'autel et se mist à croisons touz estenduz, et pria Nostre Seigneur que il le gardast de péril et toute sa gent. Nous devons tuit croire que pour les mérites et pour les prières au bon roy Looys, Nostre Sires garda la nef et toutes les choses qui dedens estoient, de péril, quar, si comme l'en disoit, à paines eschapast de tel péril de ce nez l'une. La nef, par la vertu divine, se feri si roidement à celle terre endurciée ^, que elle rumpi tout avant li et fist voie parmi le milieu. Li marinier alumerent chandoiles et cerchierent la sentine de la nef, mes riens ne trouvèrent qui maumis fust. Quant il virent ce, si furent seur et ancrèrent la nef jusques atant qu'il fust jour. Au matin, quant il fu jour, li bons rois plains de foi retorna vers l'autel devant secréement et se mist à coûtes et à genous, et rendi grâces dévotement à Nostre Seigneur qui délivré l'avoit si merveilleusement de si grant péril.

Aprèz ce la navie le roy passa tout outre les anuieus perilz de la mer, et erra tant par xi semaines, que il arrivèrent en la terre de Provence, au port qui est nommez Dahires. Lors issirent des nez et traistrent hors leurs chevaus et leur hernoiz, et chevaucha tant li rois que il vint à Biauquaire, et puis s'en parti et se traist en France, Au plus tost que li bons rois pout visita aprèz ce monseigneur saint Denys de France son patron et rendi grâces moult dévotement à Dieu et aus glorieus martyrs de ce que il estoit repairiez sain et sauf, et sa famé et ses enfans. Illuecques donnèrent lors li rois et la roine Marguerite sa famé, les plus biaus dras de soie et les plus granz et les plus riches qui onques mes fussent veus, dont l'église de laiens est parée aus festes anniex et solenniex. Un paveil-