En note : « Et les escoles de ycellui gieu

Nous commandons que baillif, ne prevost ne autre officiai que nous aions ne tiegne trop grant plenté de sergans ne de bediaus, et au plus poi que il porront en aient pour faire les commandemens de nostre court. Et volons que les bediaus soient nommez en plaine assise, ou autrement ne soient pas tenus pour bediaus. Se il avient que nos bediaus ou nos sergans soient envoiez en aucun lieu loing ou estrange, nous volons que il ne soient pas creus sanz lettres de leurs souvrains ; et se il le font autrement, si soit denuncié as baillis du lieu, que nous commandons que il les puisse punir souffisaument.

Nous deffendons que baillif ne prevost, ne nul autre qui soit mis en nostre service grieve nos songiez contre droiture, ne que nul de nos sougiez soit mis en prison pour debte que il doie, se n'est pour la nostre.

Nous establissons que nul de nos baillis ne liéve amende pour debte ne pour malefaçon de nulz de nos sougiez, se ce n'est en plains plaiz où elle soit jugiée et estimée par le conseil de bones gens, ja soit ce que elle ait esté gagiée par devant ce. Et se il avient que cil qui sera repris de aucun blasme, ne voille pas attendre le jugement de la court qui offert li est, ainçoiz offre certaine somme de deniers pour l'amende, si comme l'en l'a communément receue, nous volons que la court reçoive la somme de deniers se elle est convenable, ou se ce non, nous volons que l'amende soit jugiée selonc ce qu'il est dit desuz, ja soit ce que le coupable se mete à la volenté de la court.

Nous defîendons que les baillis et les ofFiciaus dessuz diz ne contraignent par menaces ou par paour ou par aucune cavillation nos sougiez à paier amende en repost ou en apert, ne ne les accusent pas sanz cause raisonnable.

Derechief, nous volons que cil qui tendront nos prevostez, viscontés ou autres bailliees, que il ne les puissent

à autrui vendre, sanz nostre congié. Et se pluseurs achatent ensamble les offices dessus nommées, nous volons que li uns des acheteurs face 1 office pour touz les autres et use de la franchise qui apartient à chevauchiée, à tailles, à cueilletes et à communes charches ^, si comme il est acoustumé.

Derechief, nous defTendons que les communs offices il ne vendent n'a filz, n'a frères, n'a neveus, n'a cousins, n'a privez de leurs baillis, ne que il requièrent debte que l'en leur doie, par euls, se n'est des debtes qui apartienent à leurs offices ; mes leurs propres debtes requièrent à avoir par l'auctorité le baillif ausi comme s'il ne fust pas en nostre servise.

Nous defîendons que baillif ne prevost ne travaillent nos songiez es causes que il ont par devant euls par muemenz de lieus sanz cause raisonnable, ainçoiz oient les besoignes que il ont par devant euls, es lieus où elles ont esté acoustumées à oïr, si que il ne laissent pas à poursuirre leur droit par travail et pour despens^.

Derechief, nous defîendons que il ne dessesinent home de sesine qu'il tiegne sanz cognoissance de cause ou sanz commandement especial de nous, ne que il grievent nos songiez de nouVeles exactions, de tailles et de nouvelles coustumes, ne ne semoignent que l'en face chevauchiée par l'achoison d'envoier pecune ; quar nous volons que nulz qui chevauchié doie ne soit semons en ost aler sanz cause nécessaire, et ceuz qui voudront aler en l'ost en leurs propres persones, ne soient pas contrains à racheter leur voie par argent.