Cf. Grandes Chroniques, t. VII, p. 183, chap. lxxii
4. En note : « Et premièrement que ce est du droit de la magesté royale, que paix soit gardé et nourie entre ses subgiez, car en la paix des subgiez est la transquilité du royaume gardée ; et que reprime et corrige les orguilleuz et ceulz qui entre
^Nous Looys, par la grâce de Dieu rois de France, establissons que touz noz bailliz, viscontes, prevoz, maires et touz autres en quelque office que il soient, facent serement que tant comme il soient es offices et es baillies desus dites, il feront droit à chascun sanz acception de persones, ausi au povre comme au riche et à l'estrange comme au privé, et garderont les us et les coustumes des lieus bonnes et esprouvées ^. Et se il avient chose que les bailliz et les officiaus facent encontre leurs seremens et il en soient atains, nous volons que il en soient punis en leurs biens ou en leurs persones se le meffait le requiert^ ; les bailliz par nous et les autres par les bailliz.
Derechief, les baillis et les officiaus desus nommez jureront que il garderont loiaument nos rentes et nos droiz, ne il ne soufîerront qu'il sachent que il nous soient soustrait, osté, empeechié ne amenuisié.
Derechief, il jurront que il ne prendront ne ne recevront par euls ne par autres don nul, ne or ne argent, ne bénéfices personeux ne autres choses, se^îe n'est fruit ou vin, ou autre présent de quoi la somme de x sous ne soit pas seurmontée en la semaine.
Derechief, il jurront que il ne feront prendre dons nuls qui soient à leurs famés n'a leurs enfans, n'a famés n'a sereurs, n'a autres persones qui soient privées d'euls ; et si tost comme il saront que tiex dons seront receus, il les feront rendre au plus tost qu'il porront.
Derechief, il jurront que il ne recevront emprunt nul
le commun mettent discordes, afin que Testât de nostre royaume accroisse de mieulz en miex. »
1. Cette ordonnance est celle du mois de décembre 1254. Cf. Recueil des ordonnances, t. I, p. 67 à 75.
2. En note : « afin d'eschever toutes plaintes et toute murmure qui pourroient naistre entre noz officiers et subgiez ».
3. En note : « par nous ou par personne ad ce desputée, en reservant à nous la quantité de la punicion ».
de home qui soit demorant en leurs baillies, ne d'autres qui cause aient par devant euls ne qui prochainement li doient avoir que il sachent, outre la somme de xx livres, lequel emprunt il rendront dedenz ii mois, ja soit ce que li presteurs voille ou vousist le terme alongier.
Derechief, il jurront que il ne donront ne n'envoieront don nul à home qui soit de nostre conseil, n'a famé n'a enfans, n'a home n'a autres persones qui leur apartiegne, n'a ceuz qui de par euls leurs contes recevront, n'a nul enquesteur ou visiteur que nous envoierons en leurs bail- Jiees pour leurs faiz enquerre.
Derechief, il jurront que il ne partiront à ventes nulles que l'en face de nos rentes ou de nos bailliees ou de nos monnoies, ne à autres choses qui à nous apartiegnent.
Derechief, il jurront que se il sevent desouz euls officiai ne serjant nul qui soient desloiaus, rapineurs, usuriers et plains d'autres vices, par quoi il doient perdre nostre servise, il ne les soustendront par dons ne par promesses, par amours ne par autre chose ; ainçoiz amenderont leurs meffez en bonne foi.
Derechief, nos prevos, nos viscontes, nos maires, nos forestiers et nos autres serganz jurront que il ne donront à leurs souvrains dons nuls, ne à famés, ne à enfans, ne à nul qui leur apartiegne^. Et pour ce que cist seremens soient plus fermement gardez, nous volons que il soient pris en plaine assise, devant touz clers et lais chevaliers et sergans, ja soit ce que il aient juré devant nous, à ce que il redoublent à encourre le vice de parjure, non pas tant seulement pour la paour de Dieu et de nous, mes pour la honte des homes.
1, En note : « Et jureront tout ce devant à garder senz en riens trespasser se ce n'est de l'ordenance du roy. Et si ne voulons pas que nez bailliz facent substituz en leur délivrant leur puissance, se il ne le; font jurer premièrement en la forme dessus dicte. »
Nous volons derechief et establissons que touz nos baillis, nos sergans et touz nos sougiez ^5 se tiegnent de dire parole qui tourne au despit de Dieu et de Nostre Dame et de touz les sains, et se gardent de jeu de dez, de bordiaus et de tavernes.
Nous volons que la forge des dez soit deffendue par tout nostre roiaume ^, et que les foies famés communes soient boutées hors des maisons et des chans. Quicunques louera mesons à foies famés communes et les tendra en sa meson, il rendra à nos prevos ou à nos baillis le loier de la meson d'un an.
Nous defîendons que nulz ne voise boivre en taverne se il n'est trespassant qui voise en sa voie, ou aucuns qui n'ait point de meson en la ville.
Derechief, nous deffendons à nos baillis outréement que il n'achatent ne ne facent acheter par eus ne par autres, possessions ne terre qui soit en leur bailliee, ne en autre bailliee, tant comme il seront en leur baillie sans le congié de nous. Et se il avient que tel achat soit fait, nous volons que tel achat ne soit nuls, et ordenonsque se il nous plaist, que les possessions achetées en tel manière viegnent en nostre main.
Nous defîendons que baillis nuls qui soient en nostre servise, ne marient filz ne filles que il aient, ne persone qui leur apartiegne as persones de leurs bailliees sanz nostre especial congié, ne que il les metent en religions de leurs bailliees, ne que il leur acquièrent bénéfice de sainte Eglise, ne possession nulle, ne que il ne preignent giste ne procuration es mesons de religion ou prèz d'euls aus despens des religions. Geste defïense des mariages que il ne soient fais et des possessions acquerre, si comme nous avons dit, ne volons nous pas que elle s'estende aus prevos ne as maieurs, ne as autres de meneur office.
