Cf. Grandes Chroniques^ t. VII, p., 188, chap. lxxiv

avint que uns hons de Paris, de moiennes gens, jura vilainement contre le non Nostre Seigneur et dist grant blasphème ; pour quoi li rois droituriers le fist prendre et le fits seignier d'un fer chaut ardant parmi les baulevres, à ce que il eust pardurable mémoire de son pechié et les autres doutassent à jurer vilainement de son Créateur. Quant ce sorent et oïrent moût de gent, si maudirent le roy et murmurèrent moult contre lui^. Mes li bons rois qui fu remembrans de l'Escripture qui dist : « Lors serés vous beneurez comme les homes vous maudiront )> ; et derechief « Sire Diex, il les maudiront et tu les beneisteras ». Si dist une parole chrestiane ; c'est à savoir que il voudroit estre seignié en tel manière d'un fer chaut par tel couvent que tout vilain serement fust osté de son roiaume. Aprèz ce avint que le roy fist faire une nouvele euvre pour le pourfit du pueple de Paris dont il reçut moult de granz beneïçons. Mes quant li rois le sont, si dist pardevant pluseurs gens que greigneur loier attendoit à avoir de Nostre Seigneur des maudiçons que la gent li oroient pour l'achoison de celui que il avoit fait seignier du fer chaut qui avoit despit Dieu, que il n'atendoit à avoir des beneïçons que les gens li ouroient pour l'euvre du commun pourfit que il avoit fait à Paris. Et pour ce que li sages dist que le trône des rois est par justice garniz et enforciez ; nous à la loenge de la ferveur de justice que il avoit, raconterons ci endroit le fait que li sires de Couci fist.

2 II avint en ce temps que en l'abbaïe Saint Nicolas du Bois près de Laon la cité, estoient demourans m nobles

1. En note : « Et des plus grans qui de pluseurs estoient tenuz pour saiges selon le jugement mondain. »

2. Cf. Grandes Chroniques, t. VII, p. 190, chap. lxxv, et Joseph Tardif, Le procès d' Enguerran de Coucy, dans Bibl. Éc. des chartes, t. LXXIX (1918), p. 5 à 44 et 414 à 454.

enfanz nez de Flandres, pour aprendre le langage de France. Icil enfanz alerent jouer un jour par les boiz delez l'abbaïe atout arçons et saietes ferrées pour herser et occirre connins. Et si comme il suivoient leur proie que il avoient levée es bois delez l'abbaïe, es boiz Engerran le seigneur de Couci, il furent pris et retenus des serganz qui gardoient les bois ^. Quant Engerranz sont le fait par ses forestiers, il, qui cruieus fu et sans pitié ^, fist tantost sanz jugement pendre les enfanz. Mes quant li abbés de Saint Nicolas, qui en garde les avoit, le sout, et mesire Giles li Bruns connestables de France, duquel lignage li uns des enfans estoit, si vindrent au roy et li requistrent que il leur feist droit du seigneur de Couci. Li bons rois droituriers tantost comme il sout et oï la cruiauté du seigneur de Couci, si le fist apeler et semondre que il venist à sa court pour respondre de ce fait et de ce vilain cas. Quant li sires entendi le commandement le roy et oï, si vint à court et dist que il ne devoit pas estre contraint de respondre de ce fait sanz conseil, ainçoiz voloit, s'il peust, estre jugié par les pers de France selonc la coustume de baronnie. Mes il avint qu'il fu prouvé contre le seigneur de Couci par le registre de la court de France, que li sires de Couci ne tenoit pas sa terre en baronie, quar la terre de Boves et la terre de Gournoy qui emportoient la seignorie et la dignité de baronie furent dessevrées et départies de la terre de Couci par partie de fraternité. Et pour ce fu dit au seigneur de Couci que il ne tenoit pas en baronnie sa terre. Ainsi comme ces choses estoient en tel manière alléguées devant le roy Looys, il fist prendre et saisir le seigneur de Couci, non pas par ses barons ne

1. En note : « Et les misrent en prison, puis s'en alerent à leur seigneur et lui disdrent. »

2. En note : « non considérant l'aaige des enfans, la noblesce d'eulz et la pitié du cas ».

par ses chevaliers, mes par ses sergans d'armes et le fist mètre en prison en la tour du Louvre ; mes ainçoiz li donna jour de respondre à la venue des barons. Au jour qui fu assené, vindrent les barons de France à Paris ou palais le roy, et lors fist venir li rois le seigneur de Couci et le contrainst à respondre sus le cas desus dit. Li sires de Couci, par la volenté le roi apela lors touz les barons qui estoient de son lignage à son conseil et i alerent prezque touz, si que li rois demora ausi comme tout seul, fors aucun poi de preudes homes qui estoient de son conseil. Et ja soit ce que li rois ne fust pas sanz partie d'afinité de ceuz qui apartenoient au seigneur de Couci, si estoit s'entencion à faire droit jugement de li et punir le d'autel mort comme il avoit fait des enfans sanz soi fléchir. Quant li baron sorent et aperceurent la volenté du roy, si li prièrent et requistrent moult doucement que il eut pitié dou segnieur de Coucy et que il preist une amende de li tele come il li pleut et que il vourroit. Li roys qui moult fu eschaufez de justice faire, respondi et dit devant touz les barons, que se il cuidat que Nostre Sires li seut aussi bon gré du pendre comme du lessier, il le pendit, ne ja ne lessat pour baron nul qui li apartenit. En la parfin, quant li roys vit les humbles prières que li baron li fesoient, si se fléchi et vout que li sires de Coucy rachetât sa vie de x mile livres de deniers, et establiroit ii chapeles pour les âmes des m enfans, où l'en chanteroit chascun jour. Et ja soit ce que li bons roys droituriers preit les deniers, il ne les mit pas en ses trésors ; ainçois les converti en bonnes oevres ; car il en fit faire la Maison Dieu de Pontoise et l'acrut en rentes et en terres ; derechief les escoles et le dortouir aus Frères Prescheurs de Paris, et tout le monstier entièrement aus Frères Meneurs. Laquele chose fu et doit estre grant exemple à tous ceus qui justice maintiennent, pour ce que si très nobles bons et de si

très haut lignage, qui n'estoit accusés que de povres gens, trouva à painnes remède de sa vie devant celui qui droite justice tenoit et gardoit.

Comment U roys Loys fu en pais en son royaume, et comment il se contint sagement vers ses sougiés.

^Après ce fait devant dit, avint que li baron et li chevalier, et tout li autre, grans et petis du royaume de France, qui virent, sorent et entendirent le grant sens de Nostre Seigneur qui estoit et regnoit es fais et es oevres du roy Loys, en fesant droite justice, si le doutèrent et honnourerent plus de jour en jour, pour ce que il veoient et savoient que il estoit sains hons et preudons ; ne ne fu puis qui osât aler contre lui en son royaume ; et se aucuns fut rebelles, tantôt feut humiliés ; dont on puet bien dire dou roy Loys ce qui est escript de Salemon ; car tout aussi comme il tint paisiblement son royaume, si come l'Escripture le tesmongnie, tout aussi fu li roys Loys après sa revenue d'outre mer, tout le cours de sa vie, en repos et en pais, laquele pais dura ou royaume de France longuement après son décès, par les saintes mérites de li ; si que Phelippes ses filz, qui tint et ot le royaume de France après sa mort, régna paisiblement et ot pais par les mérites de son bon père, si comme moult de bonne gens croient. Quant li bons roys savoit que il avoit aucuns anemis ou envieus vers li en repost, il par son sens les atraioit à soi caritablement par debonaireté, par bénéfices et par ayde quant il avoient mestier de li : et pour ce que ses voies et ses fait plaisoient à Nostre Seigneur, se il ot puis aucuns anemis, Nostre Sires les convertissoit et atraioit à pais et à concorde. Il savoit si sagement ouvrer, si debo-