Cf. Grandes Chroniques, t. VII, p. 193, chap. lxxvi
APPENDICE. m
nairement, si loiaument et si piteusement envers tous ses subjés, privés et estranges, que il deservoit estre honnourez et amez de touz, si comme l'Escripture dit : « Miséricorde et vérités gardent le roy et debonnaireté ferme son royaume » tout aussi li thronez dou royaume de France fu gardez et fremez ou temps le roy Looys, et resplendissoit ausi comme le soleil qui espant les raiz de sa lumière partout, au resgart de touz autres roiaumes. Et pour ce que exemple de bonne vie et oudeur de bonne renommée couroit partout du bon roy Looys, je raconterai ci emprez, selonc ce que je porrai aucunes de ses bones meurs, ja soit ce que je ne soie pas souffisant à traitier de tel matière ■'^. Es causes qui estoieht tournées et meues de ses songiez contre li, li bons rois allegoit touz jours contre soi tant comme il le pouvoit faire en bone manière, pour ce que cil qui estoient de son conseil et qui droit dévoient faire à ses songiez ne se déclinassent ou desvoiassent de droit jugement fere pour la paour de lui ou pour son courrous. Souz les forfaiz qui apartenoient ausi à sa persone comme à ses bailliz et à ses prevos, il envoioit souvent enquesteurs diligens et loiaus par son roiaume, et quant il trouvoient en eulz chose que l'en devoit amender, il fesoit restablir tost et isnelement sans délai. Ice meismes faisoit-il souvent faire sus la maisnie de son ostel, et punissoit ceuz que l'en trouvoit coulpables, selonc ce que il avoient deservi. Li bons rois estoit soutiz et gracieus moult en paroles, et se gardoit moult de dire paroles anuieuses et dissolues, meesmement de detractions et de mençonges. Poi ou noiant maudisoit ou disoit vilanie à home quelque il fust, tant fust mauves ou petit garçon, se il ne fust moult coupables, et eust grant melïait fait.
1. En note : « Car il est bon que on taise le secret du roy ; mais les bones euvres que Dieu met en un roy, raison est de les raconter. »
Especiaunient, li bons rois se tenoit de tout en tout de jurer en quelque manière que ce fust ; et quant il voloit aucunes foiz eschiver à jurer, si juroit : « En non de moi. » Mes quant il oï une foiz que uns preudons l'en reprist, si s'en garda du tout en tout, et ne juroit autrement que il est contenu en l'Evangile : « Ainsi est : Non est. » En toutes granz besoignes, griez consaus et granz causes, trop poi de gent estoient qui si soutivement ne si très vraiement jugassent une chose comme il faisoit, et ce que il prenoit en son entendement, trop gracieusement et sagement le savoit dire et raconter par la grâce de Dieu qui estoit en sa bouche.
De Vumilité le bon roy Looys.
^Chascun samedi avoit acoustumé li bons rois à laver les piez en secrè lieu à m povres homes, des plus povres et des plus anciens que l'en povoit trouver ou lieu où il estoit, et faisoit ce moult humblement^. Aprèz ce, leur donnoit à laver leurs mains et les baisoit et faisoit donner à chascun une somme d'argent, et puis leur faisoit mengier et leur aministroit il meismes. Se il avenist aucunes foiz que maladie le seurpreist en tel manière que il ne peust ceste ouvre de pitié et de miséricorde faire, il voloit que ses confessors feist ce, présent son aumosnier, en la manière que il le faisoit.
Une foiz avint que il estoit en l'abbaïe de Clervaus, en I samedi ; et vint ou cloistre à l'eure que les moines faisoient le mandé, c'est à dire lavoient les piez les uns as autres, selonc la coustume de l'ordre. Li bons rois ala là et vout pluseurs foiz, de s'umilité oster sa chape pour
