Cf. Grandes Chroniques, t. VII, p. 46, chap. viii

Bretaigne qui aperçut la force le roy et son courage vint au roy et li cria merci, et li amenda ce que il li avoit méfiait à sa volenté. Quant li cuens de Bretaigne fu en ceste manière humiliez et sousmis au roy Looys, les autres barons de France n'osèrent puis melïaire au roy ne eulz eslever contre lui. Et ainsi par l'aide Nostre Seigneur qui donne pais as homes de bone volenté, li roys Looys gouverna son roiaume en paiz un ans et plus aprez ce.

^En iceli temps meismes, li rois d'Arragon prist l'isle de Majores et de Vicene, et Valence, la cité où saint Lorens souiîri martyre, sus Sarrazins, et geta hors les paiens et fist que la foi chrestiane i fu gardée et tenue.

^Sainte Elizabeth qui fu fille le roy de Hongrie et famé Landegrave le duc de Thoringe et saint Anthoine, de l'ordre des Frères Meneurs resplendirent en ce temps par miracle et par sainte vie.

^L'année aprèz ces choses desus dites ; c'est à savoir l'an de l'Incarnation Nostre Seigneur MCC et XXX, li roys Looys qui fu ardans et eschaufez de l'amour Nostre- Scigneur, et l'âme duquel desiroit ausi Dieu comme fait le cerf qui est chaciez, les fontaines et les eaues, fonda une abbaïe en l'eveschié de Biauvez, de l'ordre de Citiaus, delez Biaumont-sus-Oyse, ou lieu que l'en disoit Cuimont, et l'apela Royaumont. Illuec mist abbé et couvent pour Dieu servir jour et nuit, et donna et assigna rentes et possessions pour euls vivre largement et habundaument.

-En cel an meismes que l'abbaïe de Roiaumont fu faite, grant dissencion vint à Paris entre les clers et les bourgois. Les bourgoiz occidrent aucuns des clers, pour quoi