Cf. Grandes Chroniques, t. VII, p. 60, chap. xiii

l'université des clers se départi et issi de Paris, et alerent en diverses provinces. Quant li rois Looys vit ce que l'estude des lettres et de philosophie cessoit parmi Paris, par quoi le trésor de sens et de sapience est aquis, qui vaut et seurmonte touz autres trésors se fu ainsi partie de Paris, qui estoit venue premièrement de Grèce à Rome, et de Rome en France avec le titre de chevalerie^, si se doubta moult et out grant paour li roys douz et débonnaires que si granz et tieux riches trésors ne s'eslongast de son roiaume, pour ce que richeces de salut plaines sont senz et savoir ; et pour ce que il ne li peust estre dit de Nostre Seigneur ne reproohié : « Pour ce que tu as geté et eslongié science de ton roiaùme, saches que je t'eslongerai de moi. » Ne demora pas moult aprèz que il manda les clers et les bourgoiz, et fist que les bourgois amendèrent as clers ce qu'il leur avoient mefïait. Et pour ce especiaument le fist li rois quar se si precieus trésor comme est estude des lettres et de philosophie et de sapience qui vint premièrement de Grèce à Rome et de Rome en France avec le titre de chevalerie, en suivant saint Denys qui preecha la foi en France ; la baniere le roy de France et les armes qui sunt paintes^ de fleurs de lis par III [feuilles] ^ fussent merveilleusement enlaidies. Quar puis que Nostre Seigneur Jhesu Criz vout especiaument, sus touz autres roiaumes, le roiaume de France enluminer de foi, de sapience et de chevalerie, les rois de France acoustumerent à porter la fleur de lis painte par m fueilles

1. Le ms. fr. 10132, fol. 365, de la Bibl. nat., ajoute : « par Charlemainne le grant jadis roy de France et emperiere de Homme, en suivant Denys Ariopagite qui ilec vint premièrement à Paris ; jasoit ce que il feust Grec, sema premièrement la foy crestienne ».