En note : « Car il y prenoit douce saveur de devocion
que il priassent pour lui et pour ses amis ; laquele humiliation esmouvoit souvent à plorer les preudes homes de religion.
De Vonneur que li rois Looys disait qui li avoit esté faite à Poissy, et comment il touchait ceuz qui estaient malades des escroeles.
^Une chose digne de mémoire qui apartient à la foi le bon roy Looys de France ci emprez devons bien raconter. Il avint une foiz que li rois Loys estoit à Poissy le Chastel, et dist liement, tout en jouant à aucuns de ses familiers qui estoient lors avec lui, que le greigneur bien et la plus digne honeur que il eust onques en cest monde eu, Nostre Seigneur li avoit une foiz faite en cest chastel. Quant ce oïrent sa gent, si se merveillierent moult laquele honeur il disoit, quar il cuidoient que il deust miex avoir dit de la cité de Rains où il reçut la sainte unction et la corone du roiaume de France. Lors commença à sousrire li rois et leur respondi que en ce chastel de Poissy il avoit reçu la grâce du saint baptesme, laquele chose, par desus toutes honeurs et dignetez du monde il tenoit sanz comparoison à greigneur don de Dieu et greigneur dignité. Dont il avint aucunes foiz que quant il envoioit lettres secrées à aucuns de ses familiers où il ne voloit pas mètre le non de roy pour aucune raison, il s'apeloit Looys de Poissy ou Looys seigneur de Poissy.
Sus les enfermetez touchier de ceuz qui sont malades des escroeles, de laquele enfermeté, Nostres Sires a donné especial grâce de guérir aus rois de France, li bons rois Looys vont avoir et out une manière autre de touchier que ses devanciers. Comme les autres rois de France, qui
1, Cf. Grandes Chroniques, t. VIT, p. 203, chap. lxxxii.
furent rois devant lui, en touchant le lieu de la maladie, aus malades deissent seulement les paroles apropriées et acoustumées à ce faire, lesqueles paroles sont saintes et chrestianes, et ne feissent pas le signe de la sainte croiz ; li rois Looys acoustuma que en disant les paroles il faisoit touz jours le signe de la sainte croiz qui par la vertu Nostre Seigneur guerist les malades miex que la dignité roial ^.
Incidence, et comment Challes, li contes d^ Anjou prist la cité de Marseilles.
^En l'an de l'Incarnation Nostre Seigneur MCC et LVII, Challes, li contes d'Anjou, frères le roi de France Looys, sousmist sous sa poesté la cité de Marseilles. Mes un poi aprèz ce, avint que aucuns des gens de la cité firent conspiration contre lui et esmurent le menu pueple à ce que il furent rebelles, et occidrent et mistrent en prison les genz que le conte Challe avoit laissié gardes de la cité. Derechief il s'apareillierent à armes pour aler contre leur seigneur le conte Challe. Mes quant il sont la nouvele que il s'estoient ainsi tournez contre lui, il assambla grant ost et vint contre euls a grant force. Longuement tint son siège devant Marseilles, et greva tant ceuz dedenz que il furent à grant meschief, et que viandes leur faillirent. Au derrenier, quant il virent et aperçurent que il ne porroient pas longuement souffrir sa force ^, si se rendirent à sa volenté et se soumistrent à lui, si comme il avoient fait
1. En note : « Pourquoy il attribuoit ycelle vertu au signe de la croix et non pas à la royale dignité. »
