En note : « de l'ordre de Cisteaulz

assigna granz rentes. Il fist faire la maison des avugles qui siet dehors Paris, où plus de ccc et l avugles povres demeurent et oent le servise Nostre Seigneur illuec en une chapelle. Derechief, il fist faire la maison de Chartreuse au dehors de Paris, qui a non Vauvert, et y assigna rentes soufiisans as moines qui illuec serviroient Nostre Seigneur. Il assambla en la maison des Filles Dieu au dehors de Paris, une grant multitude de famés, qui par povreté s'estoient abandonnées à pechié de luxure, pour ce que elles laissassent à pechier, et leur donna cccc livrées de rente a touz jours pour euls et pour celles qui illueques demourroient soustenir. En pluseurs lieus ausi de son roiaume il fist maisons de béguines, et leur dona rentes pour euls vivre.

Aucunes foiz avint que aucuns de ses familiers murmurèrent de ce que il faisoit si larges aumosnes, aus quiex il respondoit et disoit : « Si je fais trop granz despenz aucunes foiz, je aime miex que li outrages soit faiz en aumosnes pour l'amour de Dieu que en boban et es choses seculeres. » Et pour ce le faisoit li bons rois, que le despens que il faisoit en aumosnes, rachetast l'outrage que il li convenoit souventes foiz faire es choses mondaines. Et ne pour quant, es festes solennex et es despenz de son ostel de chascun jour et es parlemenz et es assamblées des barons et des chevaliers, il savoit si liberaument et si largement, comme il apartenoit à roial dignité, et servoit l'en à sa court ausi courtoisement et largement et plus habundaument que l'en n'avoit fait, passé lonc temps avoit à la court à ses prédécesseurs^.

1. Le ms. fr. 2615 de la Bibl. nat., fol. 235 v^, ajoute ici : « Li rois amoit toutes gens qui se metoient à Dieu servir et qui portoient habit de relegion ; ne nus ne venoit à lui qui fausist à avoir aucune chevance de vivre. Il provit les frères du Carme et leur acheta une place sus Saine par devers Cha-

Comment li rois Looys donnoit les bénéfices de sainte Eglise, de sa collation, et de la dévotion que il avoit au service Nostre Seigneur, et de sa manière de orer.

^Quant li bons rois Looys donnoit aucuns bénéfices qui apartenoient à sa collation, il avoit touz jours Nostre Seigneur devant les iex, quar il les donnoit à son povoir à bonnes persones et esleues. Meesmement es églises cathedraus, quant les sièges estoient vagues qui apartenoient à son regale, il faisoit querre et eslire bonnes persones par le chancelier de Paris ou par autres preudeshomes, et leur

renton et leur fist faire leur meson, et leur acheta revestemenz et tex choses comme il convenoit à fere le service Nostre Seigneur.

« En après, il provit les frères de Saint Augustin et acheta la granche à un bourgois de Paris et toutes les apartenances et leur en fist faire i moustier dehors la porte de Montmartre ; et les frères des Saz provit-il et leur donâ place sus Saine par devers Saint Germain des Prés ; mes il n'i demorerent gueres que il furent abatu.

« Assez tost après que les frères des Saz furent herbergié, revint une autre manière de frères que l'en apeloit l'ordre des Blans Mantiaus, et requistrent au roi qu'il leur aidast à ce qu'il peussent demeurer à Paris ; et li rois leur acheta une meson et places entour pour eus herbergier. delez la viez porte du Temple de Paris assez près des Thesserans de Paris. Ices Blans Mantiaus furent abatu au concile à Lions que Grigoire li X™6 tint. Après revindrent une autre manière de frères qui se faisoient apeler les frères de Sainte Croiz, et portent la croiz devant leur piz, et requistrent au roi qu'il leur aidast, et li rois le fist moult volentiers, et les herberga à Paris en une rue qui est apellée le quarrefour du Temple, qui ore est apelée la rue Sainte Croiz. Ainsi avironna li bons rois de gens de relegion la cité de Paris. »

1, Cf. Grandes Chroniques, t. VIT, p. 203, chap. lxxxi.

donnoit les provendes qui escheoient. Geste coustume avoit li bons rois que il ne donnoit nul bénéfice de sainte Eglise, à nul clerc, tant fust lettrez, qui eust autre bénéfice, se il ne resinoit avant celui que il avoit. Ne il ne vout onques otroier ne donner à aucun, bénéfice se il n'ot certain tesmoing que il fust vague.

Les heures du jour et de Nostre Dame ooit touz jours à note, ja soit ce que il les convenist dire en chemin quant il chevauchoit. Et nepourquant il les disoit touz jours sans chant, entre lui et i sien chapelain, et le service des mors a ix leçons chascun jour, jasoit ce que il fust feste solennel. Poi avenoil que il n'eust chascun jour ii messes, et souventes foiz il en ooit m ou un. Quant l'en chantoit ses heures, il se gardoit de parler en tel manière que ja ne parlast, se ne fust pour aucun pourfit, et poi et briement. Les festes solennex et les sainz à cui il avoit dévotion, il faisoit célébrer moult solennelment, et y faisoit venir et apeler clers qui avoient gracieuses voiz et mélodieuses. Moult desiroit à avoir grâces de lermes ou service Nostre Seigneur et en oroison et sus ce defTaut se complaignoit moult de foiz à son confessor, moult humblement et dévotement, et li disoit que quant l'en chantoit en la letanie : Ut fontem lacrimarum nohis dones, il disoit en son cuer moult dévotement .«Biaus sires Diex,je n'ose pasrequerre fontaine de lermes, quar un poi de goutetes me soufTiroient à mon cuer arrouser pour la durté qui y est. » Aucunes foiz dist li bons rois privéement à son confessor que quant Nostres Sires li donnoit lermes en oroison, et elles descendoient parmi sa face jusques à sa bouche, que elles ne li estoient pas tant seulement douces au cuer mes à la bouche^. Les couvens et les congrégations des religieuses gens visitoit souvent et dévotement, et leur requeroit en leur chapitre moult humblement, à genous fléchis,