Geoffroi Freslon, 1258 à novembre
roy Looys le France et le roy Henri (T Engleterre pour la terre de Normendie.
^L'an de l'incarnation Nostre Seigneur MCC et LIX, vint en France li rois Henris d'Engleterre, et avec lui Rogier de Glocestre et grant compaignie de barons de prelas et de chevaliers de son roiaume. Quant il fu à Paris, li rois Looys le reçut moult honorablement et le fîst herbergier en son propre ostel. Grant feste li fist par pluseurs jours, et moult furent bien servis de vins et de viandes ; et donna grans dons li rois de France au roy d'Engleterre et à ses barons. Aprèz ce, avint que li rois Henris vout visiter Saint Denys de France et se parti de Paris et vint à Saint Denys a grant dévotion et a grant révérence. Illuec fu receus moult honorablement du couvent de l'église a procession ; et estoient tuit les moines revestus en aubes et en chapes de soie précieuses. Li rois Henris demora en l'abbaïe i mois ou plus et donna au couvent une coupe d'or et i grant hanap d'argent de grant pois. Avant que l'en s'en partist, il maria une soue fille à Jehan ainné fil le conte Jehan de Bretaigne ; et le visita illuec par pluseurs foiz li rois Looys de France. Mes pour ce sa conscience le remordoit pour la terre de Normendie et autres terres que il tenoit, que li rois de France Phe-
1. Cf. Grandes Chroniques, t. VU, p. 207, chap. lxxxiv. — Le ms. fr. 10132, fol. 370 v^, avant de parler du traité de Paris, donne cette note sur l'abbaye de Longchamp : « L'an de l'Incarnacion Nostre Seignor M CC LIX, fu fondée en l'eveschié de Paris, l'abaïe des suers meneeurs, que l'en apele Cordelières, delez Saint Clooust sus Sainne, ou lieu que l'en dit Lonc Champ, de religieuse et honnorable dame Ysabel, vierge pucelle, suer le saint roy de France Looys, lequel saint roy assena et donna, pour l'amour de sa suer possessions et rentes couvenables à icele abaïe pour la sustentacion des suers. Laquele Ysabel reçut ilecques l'abit des suers et en vivant religieusement, i termina sa vie loable. »
lippe son aiol avoit tollues par le jugement de ses pers au roy Jehan d'Engleterre dit Sanz Terre, qui fu pères cestui Henri roy d'Engleterre, il s'entremisl touz les jours que il venoit visiter le roy Henri, de faire paiz à lui pour les dites terres. A la parfin, quant il orent traitié ensamble de moult de choses, il firent pais selonc la manière qui ensuit. C'est à savoir que li rois Henris d'Engleterre, de la propre volenté son frère Richart roy lors d'Alemaigne, et du conseil des princes et des prelas d'Engleterre quitta du tout en tout pardurablemcnt au rois de France et à leurs hoirs tout le droit que il pooit ne devoit avoir en la duchée de Normendie et es contées d'Anjou, du Manz, de Poitou et de Touraine, et es fiez desdiz lieus. Pour laquele quitance, li rois de France Looys li donna grant somme de deniers et grant terre vers Pierregort et en Agenoiz, par tel couvent que il tendroit celle terre et toute Gascoigne dès ores en avant en fié et en homage des rois de France et seroit escrips ou nombre des barons de France et apelez dux d'Aquitaine et perz de France. Lequel homage li rois Henris fist par devant les barons et les prelas de son roiaume et de celui de France, au roy Looys pour la terre de Bordiaus, de Baione et pour les autres terres que il tenoit du don le roy de France à Pierregort, en Lymozin et es eveschiez de Saintes et d' Agenoiz.
Quant la paiz fu ainsi faite et affermée, avant que li rois Henris se partist de Saint Denys, il avint que Looys, le premier fil le roy de France Looys trespassa à Paris de cest siècle et fu portez la première nuit en l'abbaïe de Saint-Denys pour estre enterrez à Royaumont. Icelle nuit veilla devant le cors li convent de Saint Denys, et distrent le service des mors et leurs psautiers moult dévotement pour l'âme du mort, L'endemain par matin, li rois Henris d'Engleterre et les plus nobles barons qui là furent, pridrent le cors et le portèrent aucun poi de la voie à leurs
propres espaules jusques à Roiaumont, et firent faire le service et l'obseque, si comme il apartenoit à roial enfant. Aprèz ce, H rois d'Engleterre et ses barons pridrent congié au roy de France qui moult les honora ^, et retournèrent chascun en sa terre et en son pais.
^Et en ce meismes temps, Mainfroiz princes de Tarente, fil Fredric l'empereeur qui fu condempnez ou concile de Lyons, si comme nous avons dit par devant, et qui estoit bastars, prist et encombra aucuns chastiaus et aucunes citez du roiaume de Sezile, en faignant que il estoit tuteur de Corrardin fil Corrart son frère mort qui encore estoit sousaagé. Aprèz ce, ne demoura gueres que il faint que Corrardins estoit mors, et se fi&t coroner à roy de Sezile contre le mandement et la delfense de l'église de Rome, de qui le roiaume de Sezile est tenuz en fié. Pour laquele chose, et pour moult d'autres griez offenses, qui trop seroient longues à raconter, papes Alexandres li quars l'escommenia premièrement, et puis, pour ce que il ne s'amenda de riens, le priva et le geta hors par sentence, de la princée de Tarente et de toutes -autres dignitez et honneurs, comme celui qui estoit rebelles et anemis aus pers de l'église de Rome, et destorboit et detenoit par violence les droiz et les biens de l'Eglise, qui estoit sacrilèges et acompaignoit à soi les escommeniez et les Sarrazins, et les gardoit et defîendoit selonc son pooir.
^Incidence. En l'an de l'Incarnation Nostre Seigneur M ce et LX, lediemenche devant Pasques flories*, li rois Looys de France assambla à Paris i grant concile des barons et des prelas de son roiaume, pour ce que li papes li avoit escript et mandé par ses lettres que les Tartarins
