avril 1261 (n. st

estoient venus en terre es parties de sainte terre d'outre mer, qui avoient vaincu Sarrazins et avoient pris Arménie, Anthioche, Triple, Damas, Halape, et les terres d'entour tenoient en leur main, dont la cité d'Acre et toute la chrestienté d'outre mer estoit en péril. Quant ce oïrent les prelas et les barons, si ordenerent que l'en feist processions et que l'en dist letanies et oroisons, et que l'en se gardast de vilainement jurer de Nostre Seigneur et des sainz, et que l'en se tenist de pechier et de superfluitez de viandes et de robes. Illuecques furent deffenduz les tournoieraenz jusques à ii ans, et mauvais jeu, et fu commandé que les homes apreissent des ars et des arbalestes^.

^Celle année meismes, li citoien de Florence assamblerent grant ost pour destruire la cité de Sainnes la vielle. Mes les chevaliers Mainfroy qui dedenz estoient, defîendirent la cité et vainquirent ceuz de Florence, et pridrent leur cité et la destruirent en partie, si que elle fu sousgiete à Mainfroi et à ceuz de Saines.

En icel meismes an, entour la feste de la Tiephaine^ l'archevesque Phelippe de Bourges trespassa de cest siècle à Nostre Seigneur. Duquel Nostre Sires demonstra la saintée emprez la mort par divers signes et par pluseurs miracles. Aprèz lui fu archevesques de Bourges, Jehan de Soilli'* doien de l'église, home noble et de grant lignage.

1. En note : « Et que tout autre gieu et esbatement feust delaissié. » Après cette incidence, le ms. fr. 10132, fol. 371, ajoute : « En l'an de grâce après ensuivant, M CC et LXI, en la dyocese de Lyons, avint que i homme, par couvoitise occist I pèlerin Nostre Dame, duquel murtrier, le coutel, jasoit ce que il le terdist souvent, et l'eust en la gravelle souvent froié, en l'yaue lavé, ne fina onques de distiller et de defluer sanc jusques que le pèlerin fu trouvé enseveli et le murtrier pendu. »