Cf. Grandes Chroniques, t. VII, p. 227, chap. lxxxix

LXIII, estoit en Engleterre i chevaliers nez de France, nobles en armes et sages bons du siècle, qui estoit apelez Symon de Montfort, qui fu bon chrestien et nobles bons, et preus aus armes, et qui en Albigoiz mist grant force à destruire le vice d'eresie, et fu mort d'un cop de mangonel au siège de Thoulouse où il trespassa comme martyr de cest siècle à Nostre Seigneur, si comme l'en cuide. Icist Symon qui iert en Engleterre, fu conte de Lincestre, et out espousée la seur Henri roy d'Engleterre, de laquele il out V fîlz, Henri, Symon, Richart, Gui et Amauri, et une fille. En ice temps avint que li rois d'Engleterre, les barons et les prelas s'acorderent ensamble à une constitution que il firent pour le commun pourfit du roiaume d'Engleterre, si comme il disoient; et fu fermée à tenir par les seremenz de touz. A ce serement faire pour garder et tenir ladite constitution, fu traiz le conte Symon. Mes bien respondi à touz et dist que il gardassent qu'il feroient, quar en nulle manière puisqu'il aroit juré à garder la constitution, n'iroit encontre son serement se il le rapeloient aprèz ce. Un poi de temps aprèz, avint que li rois, les barons et les prelas orent autre conseil, et voudrent abatre et anoientir la dite constitution que il avoient juré à garder, si comme il est desuz dit ; et s'efTorcierent à contraindre Symon de Monfort à ce que il les ensuist à destruire la constitution. Mes li contes Symon qui douta à faire contre son serement, ne s'i vont en nulle manière acorder, ainçoiz garda la dignité de son serement, si comme il avoit promis ; laquele chose aministra entr'euls matière de guerre et dissension, quar li rois Henris et ses ainnez filz Edouars, et la greigneur partie des barons d'Engleterre s'esmurent et assamblerent tantost grant ost contre le conte Symon pour la cause que nous avons dite.

Quant li contes Symons entendi et sout ceste chose, si s'apareilla et vint encontre eus, et li et sa gent, et le conte de Glossetre et ceuz de la cité de Londres qui lors s'aher-

doient à lui ; et assamblerent au roy Henri et à sa gent delez une abbaïe qui a non Lyaus ^. Illuecques fu la bataille dure et aspre, mes au derrenier ne pout endurer ne souffrir li rois l'efîors du conte Symon^, ainçoiz s'enfoui il et son fil Edouart en l'abbaïe devant dite pour ce que il cuida eschaper ; mes aprèz ce les prist illuecques li contes Symons et les envoia en i sien chastel et les garda et porta révérence et fist honorables prisons comme à ses seigneurs.

Quant ce sont li roys Looys de France, si ala à Bouloigne sus la mer et manda illueques le conte Symon pour ce que il cuida faire la paiz entr'eus. Mes quant il out parlé à li, et il vit que en nulle manière l'en ne le porroit oster de son propos, il l'en laissa aler en pais pour ce que il li avoit donné sauf aler et sauf venir.

Aprèz ce, quant li contes Symons fu retournez en Engleterre, il prist par l'asentement et par l'otroi du menu pueple les villes et les forteresces, et firent convenances et aliances ensamble, li et le conte de Gloscestre, que il traiteroient ensamble celéement des besoignes du roiaume et gouverneroient le pueple, et garderoient Testât des choses communes loiaument au pourfit du roiaume et du roy. Mes ainsi comme il traitoient de baillier ostages pour tenir l'aliance, il s'entredescorderent et s'entregeterent paroles annieuses, et se départirent l'un de l'autre. Quant ainsi se furent departiz, le conte de Glocestre qui out conceu barat et tricherie contre le conte Symon, envoia par malice i destrier fort et isnel à Edouart le premier fil le roy Henri, sous autrui non, au chastel où il estoit gardez avec son père le roy, sus lequel Edouart s'enfoui de la prison au conte Symon, et s'alia au conte de Glo-