Lyaus, Leures

2. En note : « Car moult asprement et moult durement le combatoit à leurs grans dommaiges. «

cestre. Lorsque Edouars fu aveques le conte de Gloscestre, il assamblerent tantost grant ost contre le conte Symon qui riens ne savoit de ces choses, ainçoiz avoit baillié partie de sa chevalerie à Symon son fil pour ce que il alast par les villes et par les chastiaus assambler les proies. Li contes de Gloscestre et Edouars qui sorent par leurs espies que Symons retournoit a toutes les proies, si s'esmurent a tout leur ost et alerent contre lui, et li tollirent par la force de leurs gens toutes leurs choses, et l'eussent pris se il ne s'en fust fouiz en i chastel à garant ^. Si grant honte out Symon aprèz ce, de la fuite que il fist et des choses qu'il avoit perdu, qu'à paines osa retourner à son père qui atendoit de jour en jour li et s'aide^. Edouars et li contes de Gloscestre qui sorent et sentirent que li contes Symon estoit sanz l'aide de son fil Symon, si assamblerent tantost leur ost et alerent plus seurement encontre le conte. Leur entencion estoit de délivrer le roy Henri et de prendre et occirre le conte Symon et ses enfanz comme celui qui estoit prince de mal et troubleeur du royaume, si comme il disoient. A ce ne s'acordoit pas Edouart, ains voloit miex que il fussent essiljiez, se cil qui estoient avecques lui s'i fussent consentiz.

Quant li conte Symon sot vraies nouveles de Edouart et du conte de Gloscestre qui venoient seur lui a ost, il s'esmut à bataille contre euls, et furent avec, ses ii filz Henri et Gui ; mes riens ne savoient du damage Symon leur frère qu'il atendoient de jour en jour pour ce qu'il se fioient moult en s'aide. Mes quant il virent bien que il ne vendroit pas, li contes Symons qui vit ses anemis à bataille rengiez et esmeus contre lui, dist tantost à son

1. En note : « Tout desnuez de ses gens et de sa despouille. »

2. En note : « Ains demoura en sa terre entre les m.ains de ses ennemis a pou de chevaliers et d'autres gens avecques lui. »

fil Henri que vraiement il morroit en la bataille à celle journée. Quant li filz oï les paroles son père, si out pitié en son cuer et li dist doucement : « Sire, alez vous ent pour garder et sauver vostre vie, et je soustendrai cest assaut a l'aide de Nostre Seigneur. » « Biaus filz )) dist li pères, « ja n'aviegne que en jour de ma vie, ceste honte me face, qui sui jà viel et au terme de ma fin, qui sui de si noble parenté descendus, qui onques en bataille ne foui ne ne vout fouir. Mes tu, miex t'en devroies aler et eschiver ceste périlleuse bataille que tu ne perdes la fleur de ta jouvente qui doiz estre par armes successeur de la proesce ton père et de son noble lignage. « Quant li pères et li fîlz [orent] ainsi parlé ensâmble, ne li uns ne li autres ne se vousist partir de la bataille. Les ii oz se ferirent ensâmble ; mes en ce jour avint que le fais et la charge de toute la bataille chei desus le conte Symon, que par la proesce des armes, dont il estoit de lonc temps apris et esprouvez, se defïendoit de ses anemis aussi comme une tour qui ne puet estre damachié. Mes au derrenier, pour ce qu'il i out poi de chevaliers et de genz, la multitude de ses anemis qui trop grant estoit le navra si que il chai mort à terre, et ainsi la proesce et la chevalerie de li qui en maintes besoignes avoit esté esprouvée termina par fin honorable.

D'autre part, Henriz ses fîlz qui se combatoit ausi comme hors du sens pour la mort son père, et soustenoit trop viguereusement l'effort et les assauz de ses anemis, fu abatuz et priz ; et au desrain fu occiz entre les mains d'aucuns qui le voloient sauver ; laquele mort, si comme l'en dit troubla moult Edouart. Gui li plus jones frères chai entre les mors ausi comme demi mors et entre les navrés ; liquiex fu recueilliz et gariz en brief temps, et venga puis la mort de ses amis en aucuns de ses anemis. Si hors du senz furent cil de la partie Edouart et si

avoient en si grant haine le conte Symon, que il ne leur souffi pas ce que il l'avoient geté mort à terre, navré de moult de plaies ; mes au comble de leur mal, il li coperent les genitaires et puis le despecierent pièce à pièce. Le cors duquel, les moines d'une abbaïe qui est apelée Evetent ^, delez laquele la bataille fu faite, recueillirent et le portèrent ensevelir en leur abbaïe. A la sépulture duquel moult de malades de diverses maladies furent puis guéris, si comme les gens du pais le tesmoignent, par quoi l'en dist que Nostres Sires accepte son martyre ^.

En ce meismes an, Challes, li contes d'Anjou, frères le roy de France, fu esleus en sénateur de Rome,

Comment li papes offri à Challe, le conte d'Anjou, le roiaume de Sezile.

^En l'an de l'Incarnation Nostre Seigneur M CC et LXIIII, li papes Urbains qui fu desirans de mettre à fin la mauvaistié de Mainfroi le tyrant prince de Tarente, recouru au secours de France ausi comme à la destre main defîenderresse de l'église de Rome, et offri à Challe conte d'Anjou frère le roy Looys de France, par monseigneur Symon prestre cardinal de Sainte-Cécile, le roiaume de Sezile, la duchée de Puille et la princée de Capue jusques