Cf. Grandes Chroniques, t. VII, p. 236, chap. xci

d'Anjou, ou temps de Pasqueres mut du port de Marseilles sa cité, ce que l'en ne cuida mie que il l'osast faire, et vint soudainement par mer à Rome, a poi de gent, par les aguez de ses anemis ^. Mainfroy qui jà avoit oïes nouveles par ses coursiers que li contes Challes devoit venir, avoit fait appareillier ses galées armées en la mer pour prendre le conte se il peust, [car pour ce que le Saint Père lui avoit, comme dessus est dit, donné le royaume de Sezile et aveques, toute la terre de Mainfroy] ^ moult doubtoit que il ne li tosist terre. Mes Nostres Sires Jhesu Criz, li rois des rois, qui vout sauver son champion et son defïendeur de sainte Eglise qui devoit estre tantost roy, le garda si que parmi ses anemis il trespasSa apertement. Il trespassa la mer et vint à Rome paisiblement, que l'en tint à grant miracle^. Quant li Romain virent ce, et cil qui oïrent la nouvelle de sa merveilleuse venue, si se merveillierent moult et distrent : « Sainte Marie, que sera ce de cest home que les perilz de mer ne les aguez de ses anemis ne troublent ne espoentent? Vraiement la vertu Nostre Seigneur sera avecques lui. « Li papes Clemens, li clergiez et li pueples le reçurent a grant honneur ; et pourchaça l'Apostoile, maintenant par le consentement des plus nobles homes de Rome, que il fu revestuz et saisiz de la senaterie dont il avoit esté esleus, si comme nous avons dit pardevant. Aprèz ce, en brief temps le corona li papes et enoinst en roy de Sezile ; et cria li pueples au coroner : « Vive Challes li rois. Vive Challes li rois*. »

Quant Challes fu coronez et sacrez en roy, demorer li convint en la cité de Rome pour ce qu'il n'avoit pas

1. Latin : « per maris pericula et hostium suorum insidias ».

2. Cette phrase entre crochets est donnée en note dans le manuscrit.

3. En note : « Car pour paour de ses ennemis, le droit chemin et commun de la mer ne délaissa. »