En note : « Et ainsi fu en roy de Sezille couronnez

plenté de gens à armes dont il peust en champ contre Mainfroi venir, ne par qui il peust trespasser les aguez de ses anemis ; ainçoiz attendi la chevalerie que il avoit cuelliee en France, qui ja estoit entrée en Lombardie. Illuec estoit Poilevoisin et cil de Crémone pour destourber l'ost de France que il ne passast. Mes il furent bien appareilliez et passèrent viguereusement parmi les herberges de Crémone et de Broisse ^, et vindrent à Rome paisiblement au roy Challe ^. En l'ost des Françoiz furent li greigneur, Bouchars conte de Vendôme, chevalier preu et hardiz aus armes ; Gui de Biaulieu^, evesque d'Auçoirre sages et preuz es besoignes des armes souz l'ombre et souz la couverture d 'evesque ; Phelippes et Gui de Montfort, chevaliers preuz et nobles ; Guillaume et Pierres de Biaumont, chevaliers qui conduisoient l'ost de par le roy Challes ; Robers, le filz le conte de Flandres a grant compaignie de gens, qui estoit gendres le roy. Et pour ce que il estoit encore enfes, Giles li bruns, connestables de France, chevaliers esprouvez, d'anciane chevalerie, conduisoit son ost. Moult d'autres nobles homes furent en cel ost, que nous ne poons pas raconter pour ce que il n'ennuit à ceuz qui ceste hystoire liront. Challes, li rois s'esjoi moult et fist grant leesce de la chevalerie qui venue li estoit, et fist tantost trousser son hernoiz, et issi de Rome a ost banie.

, Tant fist par ses journées que il entra en la terre de ses anemis, et vint par le pont de Chiprem où l'entrée est de