Ms. delà bibliothèque Sainte-Geneviève, « assoufrir

de Jérusalem. A roi le coronerent et li donerent la fille le roi qui devant lui ot esté, et rendirent grâces et loenges à Nostre Seigneur qui leur avoit resuscité sauveur et detendeor de la sainte terre et de la noble li-

gnie des rois de France.

Cornent la guerre des II rois commença et cornent H rois Phelippes lessa la seror le roi Chanu de Danemarche que il avoit espousée.

•En l'an de l'Incarnation MGXGIII-, li rois Phelippes qui se voloit venchier de la traïson et de la desloiauté que li rois Richarz avoit faite vers lui, assembla ses oz pour assener as fiez que il tenoit de lui et que il avoit meffaiz et perduz par droit. Le chastel de Gisorz prist en poi de tens, et tôt Veuquesin le Normant que li rois Richarz tenoit à tort et sanz raison; car toz cil pais qui avoit esté livrez pour douaire devoit retorner au roiaume de France après le décès au jone roi Henri ^ qui morz estoit sanz hoir de son cors. Quant li rois Phelippes ot prise toute celé marche de Normendie, il rendi à l'église de Saint Denis, le Nuef- Ghastel^ soz Ethe que li rois Henris et ses fiuz Richarz avoient tenu longuement à tort et à force.