Rigord, Gesta Philippi Augusti

es espis avant que il peussenl estre cuilli, dont si très granz chiertez fu après, pour l'année devant, où li blé orent esté tampesté et pour l'autre après, où il orent esté noie es espiz, que l'on vendoit un sextier de forment, à la mesure de Paris, xvi sous; d'orge, x sous; de mouturages, xiii sous ou xiiii, et le setier de sel XL sous. Pour ce, commanda li rois Phelippes, (jue Ton donast aus povres, de ses propres deniers, plus largement que on ne soloit, pour la pitié et pour la compassion que il avoit de leur mesaises et de leur povretez, et manda par ses lettres, aus evesques et aus abbez et à tôt le pople en priant, que pour Dieu, s'efforçassent de faire aumosnes pour soustenir la povre gent. Lor dona li covenzde Saint Denis en France, pour Dieu, tout l'argent monaié que il avoient adonc entre leur mains.

Incidence. — ^En cele année, commença à preechier des croiz uns prestres qui avoit non Fouques^. Par les prédications et par les sains amonestemenz que il fesoit au pople, furent pluseur qui se retraistrentdes péchiez et maint qui cessèrent à prester à usures, et rendirent aus bones genz ce que il avoient eu du leur à tel mestier.

"^Ou mois de novembre qui après vint, furent trieves des 11 rois rendues^, si refu la guerre afondrée come