Rigord, Gesta Philippi Aiii;iisti

■?if; LES GRANDES CHRONIQUES.

nion de toz et contre le ban et l'institution que il avoit devant faite ou tens que il les bani de toute France*. Lors commença à grever sainte Eglise de maint grief et de mainte persécution, que il avoit devant ce toz jors défendue. Pour ce, s'en vot Nostre Sires vengier en partie, et ensui la venjance le forfet asez tost après. Car ou mois de septembre qui après vint, droit la vigile de la saint Michiel^, cum il ne se fust de riens porveuz ne apareilliez, li rois Richarz entra soudainement en Vouquesin o tôt M et D chevaliers, sanz les coteriaus et sanz les genz à pié qui estoient sanz nombre ; tôt le pais d'entor Gisorz gasta et destruist; si prist et abbati une forterece qui a non Gorceles^; si prea et ardi pluseurs autres viles champestres. Quant li rois Phelippes en sot la novele, il fu enflambez et eschaufez de trop grant ire et vint là hastivement a tôt D chevaliers tant seulement. Passer cuida jusques à Gisorz, mais si anemi li furent au devant qui li empeechierent la voie. Et quant il vit ce, li cuers li engroissa et conçut si grant hardiece que il se feri par grant fierté parmi toz ses anemis, ausi com toz forsenez, et se combati vertueusement contre le roi Richart et toute sa gent a poi de chevaliers, et eschapa d'eus toz par l'aide de Nostre Seigneur et se reçut ou chastel de Gisorz. Mais aucun des plus granz et des plus nobles chevaliers de sa route furent pris en celé bataille; là fu pris Alains de Rouci*,