Alexis IV le .leune

voies par la miséricorde Nostre Segneur, et s'enfui à sa seror et à son serorge Phclippe le roi d'Alemagne^

En ce point furent arrivé en Venise li baron de France dont nous avons desus parlé; ses messages leur envoia li entes, qui proposèrent humblement devant eus la cause du père et du fil, et à granz proieres leur prometoient que se il voloient la besogne entreprendre et restablir l'empire au père et au fil, il les aquiteroient de xxx"" mars d'argent^ (jue il dévoient aus Venisiens, et plus, car il prometoient encore à paier toz les deniers que il avoient paiez pour leur passage, et passeroit outre mer ovec iaus o tote la force et le povoir de l'empire pour secorre la sainte terre, et amenistreroit viandes de son propre avoir à tout l'ost soufisaument, et feroit obéir l'église de Costantinoble à l'église de Rome et les joindroit ensemble, si com li membres doit estre joinz au chief.

Quant li baron oïrent l'offre que li enfes leur mandoit par ses messages, il le firent avant venir et li firent seur sains jurer que il tendroit l'ofTre et les convenances que li message prometoient pour lui. Quant il les ot asseurez par sairement, il se mistrent en mer ovec l'enfant et errèrent tant à voiles tendues que il arrivèrent devant Costantinoble^. Terre pristrent et issirent des nés. Mais quant li Grec, qui au defors de la cité estoient, virent la hardiece des François et la

1. Philippe de Souabe, alors empereur d'Allemagne, son beau-frère.

2. Dans le texte latin on a 33,000 marcs d'argent : « xxx trium millium marcarum argenti ».

3. Ce fut vers le 24 juin 1203 que les croisés arrivèrent devant Constantinople (cf. Villehardouin, Hist. de la conquête de Constantinople, éd. Paulin Paris, p. 39 et 40).

ferme constance que il avoient en Nostre Seigneur, il s'enfuirent sanz bataille et sanz cop ferir, et se reçurent^ en la cité. Atant asistrent François la vile forment et destroitement et par mer et par terre; par mainz assauz forz et perilleus se combatirent et orent adès victoire. 'Enprès ce que li sièges et li asaut orent vu jors duré, en vm"*^ jor, li empereres qui longuement s'estoit tapiz dedenz la vile, issi hors à bataille, o tôt lx™ chevaliers^ armez sanz les genz à pic, des quiex la multitude estoit sanz nombre. Quant tuit furent hors, il ordena ses batailles por combatre. Li François qui n'estoient que un petitet de gent au regart de la grant multitude des Griex atendoient la bataille en grant liéce, car il se tioient segurement de la victoire.

Quant li cruex tyranz vit leur hardiece et leur fier contenement, il ot paor en son cuer et s'enfui en la cité, il et toute sa gent. et commença à menacier et à dire devant les Griex que il se combatroitM'endemain. Mais il menti, car il s'enfui celé nuit meismes en larrecin et lessa sa famé et ses enfanz. Au matin, quant il fu jors, li François s'armèrent et commencierent l'assaut par grant vertu, les eschieles drecierent aus murs et rampèrent contre mont jusques seur les murs, par merveilleuse hardiece, et salirent en la cité ou milieu de

1. Se reçurent^ se réfugièrent. Latin : a sese intra urbis raenia receperunt ».

2. Cf. avec la C/ironicjite d'André Dandolo, dans Murat^ri, Reruni italicarum scriptores, t. XH, col. 322, pars XXX et suiv.

.3. Dans la Chronique d'André Dandolo [ibid., pars XXX), on a seulement « cum xxx millibus equitum ».

4. Le royal ms. 1(3 G VI, fol. 362, ajoute en note : « aus François ».

leur anemis come genz digne de vraie loenge. Là se combatirent si hardiement et si aigrement que il firent merveilleuse occision de leur anemis. Quant li vaillanz dux de Venise^ aperçut que François estoient en la cité et que il se combatoient si vertueusement aus Grex qui de toutes parz les avoient enclos, il entra en la vile et vint hastivement à la bataille, devant toz ses Venisiens, le hiaume lacié pour secorre François. Ja soit ce que il fust vieuz et debruisiez, il se f'eri en Testor, l'espée ou poing et se joinst aus François là où il se combatoient. Et quant François virent le duc venir, il renovelerent leur hardement et leur vertu, et repristrent leur bataille engrés- et eschaufé de combatre. L'estor maintindrent si longuement que il occistrent et chacierent les Grifons. En tel manière tu la citez prise des François et des Venisiens.

Quant la cité fu conquise et sesie, li pères à l'enfant fu traiz de prison ' et amenez ou palais. Li enfes fu pris et célébrez de dignes loenges du clergié et du pople, et fu sollempnement corooez de corone d'or en la grant église ^ puis fu ramenez ou palais. Les François aquita tôt maintenant de xxx™ mars d'argent que il dévoient aus Venisiens et paia entièrement tôt leur passage et le loier des nés, et amenistra viandes à tôt l'ost selonc les covenances que il lor avoit faites. Li dux de Venise et si Venisien jurèrent aus François que il leur livreroient nés à passer, et leur promistrent que