Le prinsomcy le premier sommeil

lasseté, li traitor Grezois se partirent de l'ot lot coicment et s'enfuirent. L'andemain, quant il fu ajornc^ il voudrent movoir por aler si corn il souloient; mais cil qui les dévoient conduire ne se midrent mie devant. Li chevetaine s'en mervelerent et les firent querre, mais ne les pot l'on trover. Lors s'aperçurent de lor traisom et vindrent à l'empereor; la chose li contèrent si com ele estoit. Cil qui par malice avoient ensi guerpi l'ost ne se tindrent pas apaié dou mal que il avoient fait, ençois en voudrent plus faire, car il vindrent tôt droit en l'ost le roi de France qui chevauchoit après, ne gueres loin d'iluec, et didrent au roi que il avoient l'empereor et son ost bien et sauvement conduit juques à la cité dou Goine qu'il avoit prise par force et vaincuz toz les Turs qui contre li se midrent, et trop granz richeces i avoit gaegnies. Ce li firent entendant espoir par celé entenciom que il voloient mener le roi celé maime voie où li empereres s'etoit embatuz perilousement, ou por ce, se li François sausent le mechiés de l'emperaor et de sa gent, il li coreusent aidier hâtivement, et ce ne vousisent pas li traitor. Bien repuet estre (jue il li mentirent por ce que se li rois saut la vérité et la daloiauté que il avoient faite, il les pendit tantost parmi les goules.

Quant li empereres vit que il estoit ensi deceuz, et que il n'avoit en tôt son ost home qui li saut ensegnier la droite voie, il manda ses barons et lor demanda conseil que il feroit. Il ne s'acorderent pas tuit à une chose, car l'une partie looit que il s'en retornasent tote la voie, si com il estoient venu, juques il pensent trover viandes qui dou tôt lor estoient falies à homes